Kyavalevi 2:3 - KITABU KITAKATIFU

³ nabwo bu tigala ku busie bu la va bwa Haruni nobwa avana veve: ki veye kindu kitakatifu ligali kyevihaanwa vyokuhaanwa nomuliru ku Yahova.

Kyavalevi 2:3 ပူးပေါင်းရင်းမြစ်များ

Ezara 2:63

Na mwamehi ya va volera, si ga va dukira kulia vindu vitakatifu ligali mba, kuduka lwa musalisi wa Urim na Thumim a singira.

Kutwula 29:37

Madiku gatano na gaviri u la lombera ubwali kyokukunika ubwoni, nokubutakasa: na ubwali bu la va butakatifu ligali; vindu sa kilala ki dira ubwali ki la va kitakatifu.

Ezekieli 44:29

Va la lia kihaanwa kyobusie, nekihaanwa kyobwoni, nekihaanwa kyamahyolo; nekindu sa kilala mu Israeli kya gimwa, ki la va kyavo.

Ezekieli 46:20

Na ya mbolera, Hano na ha bugono bwavasalisi va la deka kihaanwa kyamahyolo nekihaanwa kyobwoni, na ha vominya kihaanwa kyobusie; va ta vi leta kyova mmugidzi gwekyova, kutakasa avandu.

Kyavalevi 10:15

Kinama kyokudigululwa na indasi yokuhungudzwa va la leta halala na vindu vi haanwa nomuliru vyetsitinya, kuvihungudza vi ve kihaanwa kyokuhungudzwa imbiri wa Yahova: vi la va vivyo, na vya avana vovo halala na ive, vi ve kidieli mihiga nemihiga; kuli Yahova ya laga.

Kyavalevi 14:13

na a liitira kimeme zana ha vitiiranga kihaanwa kyobwoni, na kihaanwa kyokusambwa, hango hatakatifu: kigira kuli kihaanwa kyobwoni ki veye kyomusalisi, kandi kihaanwa kyelihyolo ki veye ndiyo: ki veye kitakatifu ligali.

Kyavalevi 2:10

Nabwo bu tigala ku kihaanwa kyobusie bu la va bwa Haruni na bwa avana veve ki veye kitakatifu ligali ku vindu vi haanangwa ku Yahova nomuliru.

Kyavalevi 21:22

A la lagira ubukima bwa Nyasaye wewe, mu yivyo vi veye vitakatifu ligali, nomu vi veye vitakatifu:

Kyavalevi 5:13

Na musalisi a la mu lombera kyokukunika ubwoni bwibwe bwa ya kola ku vindu yivi, naye a la samefwa: na bu tigala bu la va bwomusalisi, kuli kihaanwa kyobusie.

Kyavalevi 6:26

Musalisi u ki haanira ubwoni a la ki lia: ki la libwa mu hatakatifu, ha mugidzi gwelihema lyokuvuganira mu.

Kyavalevi 6:9

U lage Haruni na avana veve, u va volere, Yili ni lilaga lyekihaanwa kyokusambwa: kihaanwa kyokusambwa ki la va ku muliru ku bwali ubudiku bwosi kuduka mugamba; na muliru gwobwali gwaduke gu vule kusima kubwo

Kyavalevi 7:7

Kuli kihaanwa kyobwoni ki veye, kandi kihaanwa kyelihyolo ki veye ndiyo; lilaga lyavyo li veye lilala: musalisi u lomba kyokukunika ubwoni nakyo a la ki nyola.

Kyavalevi 7:9

Na vihaanwa vyobusie vyosi vyuminywa mu mahiga, na vyosi vya lomberwa ku kyokukalanga, noku kisambiru, vi la va vyomusalisi uyu u vi haana.

Livalidza 18:9

Yivi vi la va vivyo ku vindu vitakatifu ligali, vi vule kuvikwa mu muliru: kihaanwa kyavo sa kilala, kali kihaanwa kyobusie sa kilala na kihaanwa kyavo kyobwori sa kilaia, na kihaanwa kyelihyolo kyavo sa kilala, kya va la ndetera, ki la va kitakatifu ku ive noku avana vovo.

1 Samweli 2:28

Na si nda tovola uyu mu tsihiri tsyosi tsya Israeli a gwe musalisi wange, yanegira kutsia ku bwali bwange, kuvuyidza kimuli, nokwivika kisibao imbiri wange? Na si nda haana ku avenyumba yadada wowo vihaanwa vyosi vyavana va Israeli va haana nomuliru?