Kyavalevi 2:2 - KITABU KITAKATIFU

² na a la bu leta ku avana va Haruni avasalisi; naye a la vugula kubwo luhe lulala lwobusie, na lwamaguta, na kimuli kyabwo kyosi. Na musalisi a la vi samba kyokwidzulitsa kyabwo ku bwali, kihaanwa kyokuhaanwa nomuliru, kyokufunyira Yahova mwayu:

Kyavalevi 2:2 ပူးပေါင်းရင်းမြစ်များ

Nehemia 13:14

U nzidzulitse, O Nyasaye wange, ku inkuva yiyi, kandi u teya vikolwa vyange vilahi vya nda kolera inyumba ya Nyasaye wange, kandi ku vindu vyayo vyega nehidzwa.

Nehemia 13:22

Na nda laga Valevi vetakase avene, na vadze kulinda viribwa, nokutakasa lidiku lyelisa bato. U nzidzulitse, O Nyasaye wa nge, ku yaga kandi, u mbererere kuli ubunene bwetsimbabasi tsitsyo.

Kutwula 30:16

Na u la vugula ku avana va Israeli, ifetha yokukunika ubwoni, na u la gi vika i ve yobutumekiri bwelihema lyokuvuganira mu, i ve kyokwidzulitsira avana va Israeli imbiri wa Yahova, kulombera miyoyo gyenyu kyokukunika ubwoni.

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Kyavalevi 1:13

navutswa amala na virenge a la vyogidza namadzi. Na musalisi a la haana vyosi, nokuvisamba ku bwali: ki veye kihaanwa kyokusambwa, kihaanwa kyokuhaanwa nomuliru, kyokufunyira Yahova mwayu.

Kyavalevi 1:17

na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.

Kyavalevi 1:9

navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

Kyavalevi 2:16

Na musalisi a la samba kyokwidzulitsa kyayo, i veye kidieli kyengano ya swagwa, na kidieli kya maguta, halala na kimuli kyosi: ki veye kihaanwa kya haanwa nomuliru ku Yahova.

Kyavalevi 2:9

Na musalisi a la vugula kyokwidzulitsa kyekihaanwa kyobusie, na a la ki samba ku bwali, ki veye kihaanwa kyokuhaanwa nomuliru, kyokufunyira Yahova mwayu.

Kyavalevi 24:7

Na u la vika ku kimuli kyere ku luvaso sa lulala, ki ve ku ubukima kyokwidzulitsa, kihaanwa ki haanirwa nomuliru ku Yahova.

Kyavalevi 4:31

Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.

Kyavalevi 5:11

Navutswa ubunyali bwibwe ni bu ta duka kuleta makuulu gaviri, kinga makuulu matuge gaviri, ma a la lets kidieli kilala ku vidieli likumi vyefa vyobusie bunyuki, kuva kihaanwa kyobwoni bwa ya kola: na a la vula kuvika ku maguta, kinga kimuli; kigira ki veye kihaanwa kyobwoni.

Kyavalevi 5:12

Naye a la bu leta ku musalisi, na musalisi a la vugula ku uluhe lu ve kyokwidzulitsa, nokubusamba ku bwali, ku vihaanwa vi haanangwa nomuliru ku Yahova: ki veye kihaanwa kyobwoni.

Kyavalevi 6:15

Naye a la vugula kubwo ku luhe lwilwe lwobusie bunyuki bwekihaanwa kyobusie, noku maguta gakyo, na kimuli kyosi ki veye ku kihaanwa kyobusie, na a la ki samba ku bwali kuva mwayu, ki ve kyokwidzulitsa ku Yahova.

Livalidza 5:18

Na musalisi a la vika mukali imbiri wa Yahova, na a la timbulula lisu lilye, na a la vika kihaanwa kyobusie kyokwidzulitsa mu makono gege, ki veye kihaanwa kyobusie kyelikendeka: na musalisi mu mukono gwigwe, a la va na amadzi malulu ga letanga kilaamo.

Livalidza 5:26

na musalisi a la vugula ku kihaanwa kyobusie, uluhe lulala kuva lidzulitsa lyakyo, nokulusamba ku bwali, na inyima a la nwehidza mukali uyu amadzi zana.

Vikolwa 10:4

Naye ya mwumika tsimoni tsitsye na a tia na a vola, Ni kindu ki, Mwamii Na a mu volera, Lisaala lilyo netsisadaka tsitsyo vi duki igulu vi ve kyokwidzulitsa imbiri wa Nyasaye.