Kyavalevi 2:1 - KITABU KITAKATIFU

¹ Mundu ku mwinye vosi lwa a letera Yahova kihaanwa kyobusie, kihaanwa kikye ki la va kyobusie bunyuki, naye a la tsuka kubwo maguta, nokuvika kubwo kimuli:

Kyavalevi 2:1 ပူးပေါင်းရင်းမြစ်များ

Kutwula 29:2

na ubukima bu ta li na mamera, na mkate gu ta li na mamera gu duvulwa halala na maguta, na vyapati vi ta li na mamera na vyavakwa na maguta: u la vi lomba nobusie bwengano.

Isaya 43:23

U vuli kundetera magondi kuva vihaanwa vyokusambwa; kandi u vuli kunzidzominya nevihaanwa vivyo. Inze si nku niga kuntumekira nevihaanwa vivyo, kandi si nku luhidza nevimuli.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Ezekieli 46:20

Na ya mbolera, Hano na ha bugono bwavasalisi va la deka kihaanwa kyamahyolo nekihaanwa kyobwoni, na ha vominya kihaanwa kyobusie; va ta vi leta kyova mmugidzi gwekyova, kutakasa avandu.

Joeli 1:9

Kihaanwa kyobusie, na kihaanwa kyokunwa vi twulidzeywi ku inyumba ya Yahova; avasalisi, avatumekiri va Yahova, va svomanga.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Kyavalevi 14:10

Kandi ku lidiku lya gatano na gaviri a la leta vimeme viviri vikole vidukanu, na kimeme kisuvini kyomuhiga mulala kidukanu, na vidieli vibaka ku vyelikumi vyobusie, bunyuki kuva kihaanwa kyobusie bu tsukanywa namaguta, na kigero kyamaguta.

Kyavalevi 24:7

Na u la vika ku kimuli kyere ku luvaso sa lulala, ki ve ku ubukima kyokwidzulitsa, kihaanwa ki haanirwa nomuliru ku Yahova.

Kyavalevi 5:11

Navutswa ubunyali bwibwe ni bu ta duka kuleta makuulu gaviri, kinga makuulu matuge gaviri, ma a la lets kidieli kilala ku vidieli likumi vyefa vyobusie bunyuki, kuva kihaanwa kyobwoni bwa ya kola: na a la vula kuvika ku maguta, kinga kimuli; kigira ki veye kihaanwa kyobwoni.

Kyavalevi 6:7

na musalisi a la lombera uyu kyokukunika ubwoni imbiri wa Yahova; naye a la samefwa ku vyosi vya ya kola, kuduka kuva welihyolo.

Kyavalevi 9:17

Naye ya leta kihaanwa kyobusie, na a vugula ku uluhe kubwo, na a bu samba ku bwali, lugano ku kihaanwa kyokusambwa kya mugamba.

Kyavalevi 9:4

na igiriki na ligondi likole kuva kihaanwa kyemirembe, kuhaana imbiri wa Yahova; na kihaanwa kyobusie bwa tsukanywa na maguta: kigira lero Yahova a lolekanga ku mwinye.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Livalidza 18:9

Yivi vi la va vivyo ku vindu vitakatifu ligali, vi vule kuvikwa mu muliru: kihaanwa kyavo sa kilala, kali kihaanwa kyobusie sa kilala na kihaanwa kyavo kyobwori sa kilaia, na kihaanwa kyelihyolo kyavo sa kilala, kya va la ndetera, ki la va kitakatifu ku ive noku avana vovo.

Livalidza 28:5

halala nekidieli kilala kyelikumi kya efa yobusie bunyuki kuva kihaanwa kyobusie, bu tsukanywa nekidieli kilala kyevine kya ihin yamaguta maduywe.

Livalidza 29:18

na kihaanwa kyavyo kvobusie nevihaanwa vyavyo vyokunwa ku tsigiriki, ku magondi makole, na ku vimeme, kuli livalidzwa lyavyo, kuli lilaga;

Livalidza 7:13

na kihaanwa kikye kya li isahani indala yefetha, na ligerwa lyayo lya duka tsishekeli mia na makumi gavaka, na ibakuli indala yefetha yeligerwa lyetsishekeli makumi gatano na gaviri, kuli ishekeli ya hatakatifu; viju vyombi vizula busie bunyuki bwa tsukanywa na maguta kuva kihaanwa kyobusie;

Livalidza 7:19

ya haana kihaanwa kikye isahani indala yefetha, na ligerwa lyayo lya duka tsishekeli mia na makumi gavaka, na ibakuli indala yefetha yeligerwa lyetsishekeli makumi gatano na gaviri, kuli ishekeli ya hatakatifu; viju vyornbi vizula busie bunyuki bwa tsukanywa na maguta kuva kihaanwa kyobusie;

Livalidza 8:8

Ma va haane igiriki isoleli, halala nobusie bwayo bwokuhaana, bu ve bunyuki bwa tsukanywa na maguta; na ive u la vugula igiriki yindi isoleli kuva kihadnwa kyobwoni.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

Yudasi 1:20

Navutswa mwinye, avayanze, mu lyeyombaka mu lisuuvira lyenyu litakatifu nomu lisaala mu Roho Mutakatifu

Likunula 8:3

Kandi ingelosi wundi yadza na a singira imbiri wobwali, wekituva kyethahabu; kandi ya hebwa kimuli kinyingi a duke kumeda nakyo lisaala lyavatakatifu vosi ku bwali bwethahabu obwa li imbiri wentebe.