Ku vosi mundu na a va na a kola ubwoni, ku lihulira mwoyo gwokusuha, na a va muloli, na a va ni ya lola, kinga a manya, naye na a vula kuvuula, ma a la ginga ubudamano bwibwe mwene.
Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.
kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.
A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.
Na musatsa na a vugula mbotso wewe, mwana wa dada wewe, kinga wa mama wewe, nokulola kyahonyo kikye, na mukana a lola kyahonyo kikye; i veye inkuva yetsisoni; na va la twulidzwa imbiri wetsimoni tsya avana va avandu vavo: u vimbuye kyahonyo kya mbotso wewe; mwene a la ginga ubudamano bwibwe.
Kandi ku inyama yekihaanwa kyemirembe kikye, ni i va ni i libwa ku lidiku lya kavaka, si i la vugirirwa mba, kinga kuvalidzwa ku uyu wa haana i la va livihiridza, na uyu a lia kuyo mwene a la ginga ubudamano bwibwe.