Kyavalevi 13:52 - KITABU KITAKATIFU

⁵² Na a la samba ingubo zana ni tsi veye tsimbusi tsyobulungi kinga tsyobugika, mu ingubo yobwoya bwamagondi kinga yekatani, kinga ku kyosi kyelisero, yelilwala li veye mu: kigira bu veye ubugere bululu; ingubo yiyi i la sambwa nomuliru.

Kyavalevi 13:52 ပူးပေါင်းရင်းမြစ်များ

Isaya 30:22

Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Kyavalevi 11:33

Na viju vyobudohi, kya kindu ku yivi ki gwa mu, vyosi vi veye mukyo vi la va vidamano, na mu latanya kiju.

Kyavalevi 11:35

Na vindu vyosi vyekidonye kyemibiri mikudzu gyevindu yivi ki gwa ku ki la va kidamano; ni ga va mu mahiga, kinga hokuvika tsinyingu ki latanywa: vi veye vidamano, na vi la va vidamano ku mwinye.

Kyavalevi 13:47

Na ingubo yelilwala lyobugere li veye muyo, ni i va ni veye ingubo yobwoya bwamagondi, kinga ingubo yekatani;

Kyavalevi 13:48

ni li va ni li veye mu tsimbusi tsyobulungi, kinga tsyobugika; ni i va ni i veye yekatani, kinga lyobwoya bwamagondi; ni li va ni li veye mu lisero, kinga mu tsyosi tsya lombwa nelisero;

Kyavalevi 13:51

na ku lidiku lya gatano na gaviri a la henza lilwala zana: na lilwala ni li landa mu ingubo ni bu va mu tsimbusi tsyobulungi kinga tsyobugika, kinga mu lisero, ubutumiki ku bwosi bwelisero li tumikangwa mubwo; lilwala li veye ubugere bululu; i veye indamano.

Kyavalevi 13:53

Na musalisi na a va na a lola na henza, lilwala ni li ta landa mu ingubo, kinga mu tsimbusi tsyooulungi, kinga mu tsyobugika, kinga mu kyosi kyelisero;