Kyavalevi 12:8 - KITABU KITAKATIFU

⁸ Ni i va miyandu gyigye gyi vula kuduka ku mwana weligondi, ma a la vugula makulu gaviri gombulimu, kinga makulu matuge gaviri; lilala kuva kihaanwa kyokusambwa, na lindi kuva kihaanwa kyobwoni: na musalisi a la mu lombera kyokukunika ubwoni, naye a la va mulahi.

Kyavalevi 12:8 ပူးပေါင်းရင်းမြစ်များ

Kyavalevi 5:7

Ni i va ubunyali bwibwe si bu duka ku kimeme kyeligondi, a la leta ku Yahova, kihaanwa kikye kyelihyola lilye lya ya kola, amakuulu gaviri, kinga makuulu matuge gaviri, kuva kihaanwa kyelikalagirwa, lilala lyekihaanwa kyobwoni, na lindi lyekihaanwa kyokusambwa.

Kyavalevi 4:26

Na itinya yayo yosi a la gi samba ku ubwali, kuli itinya yekihaanwa kyemirembe; na musalisi a la lombera uyu ku bwoni bwibwe, kyokukunika, naye a la samefwa.

Kyavalevi 14:22

na makuulu gaviri, kinga makuulu matuge gaviri, kuli aga a nyala kunyola; na lilala li la va kihaanwa kyobwoni, na lindi li la va kihaanwa kyokusambwa.

Kyavalevi 1:14

Kandi kihaanwa kikye ku Yahova ni ki va ni ki veye kihaanwa kyokusambwa kyamanyonyi, ma a la leta kihaanwa kikye ku makuulu, kinga ku avana va makuulu ga tugwa.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

Kyavalevi 15:29

Na ku lidiku lya gatano na gavaka a la leta makuulu gaviri, kinga makuulu matuge gaviri, na a ga leta ku musalisi ha kiliango kyelihema lyokuvuganiramu.

Kyavalevi 15:14

Na ku lidiku lya gatano na gavaka a la vugula makuulu gaviri, kinga makuulu gaviri matuge, na a la tsia imbiri wa Yahova ha kiliango kyelihema lyokuvuganira mu, na a la ga ha musalisi:

Matayo 21:12

Yesu yingira mu litempeli lya Nyasaye, na a kunga vosi va gula ni va kirannya mu litempeli, na a kunaminya tsimeza tsya va kirannya tsishilling, nevisako vya va li ni va gula makuulu;

Kyavalevi 12:7

naye a la vi haana imbiri wa Yahova, nokulombera mukali kyokukunika ubwoni; naye a la takaswa ku litadza lyamasahi gege. Yili ni lilaga li veye ku uyu wivuye, na a va mwana muyai kinga mwana mukana.

Kyavalevi 13:1

Na Yahova ya volera Musa na Haruni, nokuvola,

Kyavalevi 14:21

Naye na a va na a veye mudaka, na si a nyala kunyola vi duka kuli ndiyo, hene yaho a la leta kimeme kikole kilala kuva kihaanwa kyelihyolo kuhungudzwa, kumulombera kyokukunika ubwoni, na kidieli kilala kyelikumi kyobusie bunyuki bwa tsukanywa na maguta kuva kihaanwa kyobusie, na kigero kyamaguta;

Kyavalevi 5:11

Navutswa ubunyali bwibwe ni bu ta duka kuleta makuulu gaviri, kinga makuulu matuge gaviri, ma a la lets kidieli kilala ku vidieli likumi vyefa vyobusie bunyuki, kuva kihaanwa kyobwoni bwa ya kola: na a la vula kuvika ku maguta, kinga kimuli; kigira ki veye kihaanwa kyobwoni.

Kyavalevi 15:15

na musalisi a la ga haana, lilala kuva kihaanwa kyobwoni, na lindi kuva kihaanwa kyokusambwa; na musalisi a la mu lombera kyokukunika ubwoni imbiri wa Yahova ku kisununu kikye.