Kyavalevi 12:7 - KITABU KITAKATIFU

⁷ naye a la vi haana imbiri wa Yahova, nokulombera mukali kyokukunika ubwoni; naye a la takaswa ku litadza lyamasahi gege. Yili ni lilaga li veye ku uyu wivuye, na a va mwana muyai kinga mwana mukana.

Kyavalevi 12:7 ပူးပေါင်းရင်းမြစ်များ

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Kyavalevi 1:4

Kandi a la vika mukono gwigwe ku mutwe gwekihaanwa kyokusambwa; nakyo ki la bugirirwa kuye kuva kyokumukunikira ubwoni bwibwe.

Kyavalevi 12:6

Na lwa madiku gelitakaswa lilye ga duka kigira mwana muyai, kinga mwana mukana, a la leta mwana weligondi womuhiga mulala kuva kihaanwa kyokusambwa, na likulu lituge, kinga lyombulimu kuva kihaanwa kyobwoni, a vi haane ha kiliango kyelihema lyokuvuganira mu, nokuha musalisi:

Kyavalevi 12:8

Ni i va miyandu gyigye gyi vula kuduka ku mwana weligondi, ma a la vugula makulu gaviri gombulimu, kinga makulu matuge gaviri; lilala kuva kihaanwa kyokusambwa, na lindi kuva kihaanwa kyobwoni: na musalisi a la mu lombera kyokukunika ubwoni, naye a la va mulahi.

Kyavalevi 15:15

na musalisi a la ga haana, lilala kuva kihaanwa kyobwoni, na lindi kuva kihaanwa kyokusambwa; na musalisi a la mu lombera kyokukunika ubwoni imbiri wa Yahova ku kisununu kikye.

Kyavalevi 4:20

Na ndiyo a la kola ku kimoli kigiriki; kuli ya kola ku kimoli kigiriki kyekihaanwa kyobwoni, a la kola ndiyo ku yiki; na musalisi a la va lombera kyokukunika ubwoni, na va la samefwa.

Kyavalevi 4:26

Na itinya yayo yosi a la gi samba ku ubwali, kuli itinya yekihaanwa kyemirembe; na musalisi a la lombera uyu ku bwoni bwibwe, kyokukunika, naye a la samefwa.

Kyavalevi 4:31

Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.

Kyavalevi 4:35

na a la twulidza itinya yakyo, kuli itinya i twulidzangwa ku kimeme kyeligondi kyevihaanwa vyemirembe, na musalisi a la gi samba ku bwali, kuli vihaanwa vya Yahova vyokuhaanwa nomuliru; na musalisi a la lombera uyu kyokukunika ubwoni, ku bwoni bwibwe twa ya kola, naye a la samefwa.

Varumi 3:23

Kigira vosi va kola ubwoni, va vula kuduka ku ubukumi bwa Nyasaye;

Varumi 3:26

Ku lilolekidza lyobulungi, mbola, inyinga ya kalunu: mwene a ve mu lungi, kandi a ve muhaani wobulungi ku uyu u veye nelisuuvira ku Yesu.

1 Vakorintho 7:14

Kigira musatsa u ta suuvira a takasangwa kigira mukali wewe, kandi mukali u ta suuvira a takasangwa kigira musatsa. Ni ga ta li ndiyo, nkano avana venyu navadamano; navutswa kalunu va veye avalungi.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.