Kyavalevi 10:3 - KITABU KITAKATIFU

³ Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Kyavalevi 10:3 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Ayubu 2:10

Na vutswa Ayubu ya volera mukali wewe, na a vola, Ive u volanga kuli mulala ku vakali vasiru a volanga. Ni ki ndiki? Ku nyole bulahi mmukono mwa Nyasaye, na ku vule kunyola ububi? Mmakuva yaga gosi Ayubu si ya kola bwoni neminwa gyigye mba.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 148:14

A gingira avandu veve lwiga Lidzominya lyavatakatifu veve vosi; Kali lya avana va Israeli, avandu ava veye himbi kuye. Mwidzominye Yahova.

Zaburi 39:10

U twulidze liduya lilyo ku inze: Mmali kuheridzwa nelikuya lyomukono gugwo.

Zaburi 39:9

Nda kiring'ana, si nda kunula munwa gwange; Kigira ive wa ga kola.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Zaburi 93:5

Lilolekidza lilyo li veye lyageligali: Ubutakatifu bu dukana nenyumba yoyo, O Yahova mihiga nemihiga.

Kutwula 14:17

Na inze nda dinyiridza myoyo gya Avaegepeti, navo va lingira inyima wavo, na inze nda nyola lidzominywa ku Farao, noku lihe lyosi, noku magari gelihe gege, noku avetsiparasi veve.

Kutwula 14:4

Na inze nda dinyiridza mwoyo gwa Farao, naye a la va londerera; na nda nyola liidzominywa ku Farao, noku lihe lilye; na Avaegepeti va la manya, inze mbeye Yahova. Na va kola ndiyo.

Kutwula 19:22

Na avasalisi kandi avesunda ku Yahova, vetakase avene, gase Yahova a la va twulira.

Kutwula 19:24

Na Yahova ya mu volera, Tsia, u sulungute; na u lanegira, ive na Haruni halala nive: navutswa va ta ng'unya kwisunda ku Yahova mba, gase a la va twulira.

Kutwula 30:30

Na u la vaka Haruni na avana veve, nokuvatakasa, va ntumekire mmiyinzi gyobusalisi.

Isaya 39:8

Ma Hezekia ya volera Isaya, Li veye likuva lilahi lya Yahova lya ive u voye. Na ya meda na a mu volera, Kigira mirembe gyi la va ho na geligali mu madiku gange.

Isaya 49:3

na ya mbolera, Ive u veye mutumekiri wange; Israeli, nda kuminyirwa ku ive.

Isaya 52:11

Mu tsie, mu tsie, mu twule yaho ha mu veye, mu ta dira kindu kidamano mba; mu twule hagati halyo; mu ve avanifu, mwinye ava ginganga viju vya Yahova.

Ezekieli 20:41

Irze nda bugirira mwinye kuli umuhomo gu yanzidzanga, lwa ntwu lidza mwinye mu vandu, nokumu vungidza mu twule mu vivala vya mwa salannywa mu: na nda takaswa mu mwinye imbiri wetsimoni tsyetsihiri.

Ezekieli 28:22

Mwami Nyasaye a vola ndi: Henza, mbeye musigu ku ive, O Sidone; nda kuminywa hagati hoho; na va la manya inze mbeye Yahova, lwa mmali kukola likalaga muye, nokuva mutakase muye.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Ezekieli 40:46

na kigodola kya henzanga ku luvega lwa kasikasini ki veye kyavasalisi, ava lindanga ubwali: yava navana va Zadoku, ava li ku avana va Levi, avesunda himbi ku Yahova kumutumekira.

Ezekieli 42:13

Ma ya mbolera, Vigodola vya kasikasini, na vigodola vya kusini, vya henza ku ha vikwa haluvega, yivi vi veye vigodola vitakatifu, vya vasalisi ava veye himbi ku Yahova, va la liira mu vindu vitakatifu: va la vika ha zana vindu vitakatifu, na kihaanwa kyobusie, na kihaanwa kyobwoni, na kihaanwa kyamahyolo; kigira ha zana ha veye hatakatifu.

Kyavalevi 21:15

Kandi a tononya lwivulu lwilwe mu avandu veve: kigira mbeye Yahova, u mu takasanga.

Kyavalevi 21:17

U volere Haruni, nokuvola, Ku vosi mundu wolwivulu lulwo mu visukululwi vyavo u veye mulema, a tesunda kuhaana ubukima bwa Nyasaye wewe.

Kyavalevi 21:21

ku vosi wekisukululwi kya Haruni musalisi, u veye mulema, a tesunda kuhaana vindu vi haanangwa nomuliru ku Yahova mba: uyu u veye mulema, a tesunda kuhaana ubukima bwa Nyasaye wewe.

Kyavalevi 21:6

Va la va avatakatifu ku Nyasaye wavo, na va tononya lieta lya Nyasaye wavo; kigira va haana ku Nyasaye wavo, vihaanwa vya lombwa nomuliru, na ubukima bwa Nyasaye wavo va haana: kunangwa va la va avatakatifu.

Kyavalevi 21:8

Kunangwa u la mu takasa; kigira a haananga ubukima bwa Nyasaye wowo: a la va mutakatifu ku ive; kigira inze Yahova u mu takasanga, mbeye mutakatifu.

Kyavalevi 22:9

Kunangwa va la gumira malago gange, gase va la ginga ubwoni ku yaga, na va kudza mugo, ni va gononya: inze mbeye Yahova u va takasanga.

Kyavalevi 8:35

Na mu la menya ha kiliango kyelihema lyokuvuganira mu madiku gatano na gaviri, mbasu nobudiku, nokulinda ubulindi bwa Yahova mu vule kukudza: kigira ni ndiyo ndageywi.

Livalidza 16:5

na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.

Livalidza 20:12

Na Yahova ya volera Musa na Haruni, Kigira si mwa suuvira ku inze, kuntakass imbiri wetsimoni tsya avana va Israeli, kigira yaga si mu la leta livugana yili nokulivika mu kivala kya nda va ha.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Yohana 12:28

Dada, kuminya lieta lilyo. Kunangwa mwoyo gwa twula migulu, gu vola, Nda mala kulikuminya, na nda li kuminya kandi.

Yohana 14:13

Ku vyosi kya mu li saala ku lieta lyange, yiki nda kola, Dada a duke kukuminyirwa ku Mwana.

Kwidzulitsa 32:51

kigira mwononya ku inze hagati ha avana va Israeli ha amadzi ga Meriba ha Kedeshi, mu kyangalangwi kya Zin; kigira si mwa ntakasa hagati ha avana va Israeli.

2 Vatesalonike 1:10

inyinga a lidza kwidzominywa mu vatakatifu veve, nokugenyerwa mu yavo ava suuvira, mu lidiku yilyo (kigira lilolekidza lyetu ku mwinye lya bugirirwa).

1 Petro 4:17

Kigira inyinga i duki yelikalaga li tanga mu inyumba ya Nyasaye: ni li va ni li tanga ku kwinye kiheri kyavo ava ta hulira ivangeli ya Nyasaye ki la va ndi?

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.

1 Samweli 3:18

Ma Samweli ya mu volera sa kilala, si ya mu visa kindu mba. Naye ya vola, Ni Yahova: a kole aga veye malahi kuye.

1 Samweli 6:20

Navandu va Beth shemeshi va vola, Ibwaha u nyala kusingira imbiri wa Yahova, Nyasaye uyu mutakatifu? Naye a lanegira kutsia ku bwaha kutwula ku kwinye?