Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kyavalevi 1:4 - KITABU KITAKATIFU

4 Kandi a la vika mukono gwigwe ku mutwe gwekihaanwa kyokusambwa; nakyo ki la bugirirwa kuye kuva kyokumukunikira ubwoni bwibwe.

အခန်းကိုကြည့်ပါ။ ကော်ပီ




Kyavalevi 1:4
44 ပူးပေါင်းရင်းမြစ်များ  

Na ki la va mbweni bwa Haruni, na Haruni a la ginga ubudamano bwevindu vitakatifu, vya avana va Israeli va takasa mu vihaanwa vyavo; nakyo ki la va ku bweni bwibwe kazozo, va duke kubugirirwa imbiri wa Yahova.


Na u la leta igiriki imbiri welihema lyokuvuganira mu: na Haruni na avana veve va vika makono gavo ku mutwe gwegiriki.


U la vugula ligondi likole lilala, na Haruni na avana veve va la vika makono gavo ku mutwe gwalyo.


Kandi u la vugula ligondi likole lindi, na Haruni na avana veve va la vika makono gavo ku mutwe gwalyo.


Na va la lia vindu yivyo vyo kukunika ubwoni lya lombwa navyo, kuvavika ku miyinzi gyobutakatifu, nokuvatakasa: navutswa mugeni si a la lia ku mba, kigira vi veye vitakatifu.


avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.


kandi kimeme kyekyayo, kyomu tsimia tsiviri ki twula ku vyayiru vya Israeli vi samangwa bu lahi namadzi; ki ve kihaanwa kyobusie, na kihaanwa kyokusambwa, na vihaanwa vyemirembe, kuva kyokuvakunikira ubwoni, Mwami Yahova a vola.


Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.


na Haruni a la vika amakono gege gombi ku mutwe li gwekole i veye mwoyo, nokwiyamira kuyo ubudamano bwosi bwa avana va Israeli, na mahyolo gavo gosi, kali ubwoni bwavo bwosi; na a la bu vika ku mutwe gwekole, na a la gi hila mwigendanyama mu mukono gwomundu wetegeki:


na a liisinga mbiri mu madzi mu hatakatifu, nokwivika tsingubo tsitsye, na a latwula kutsia kuhaana kihaanwa kyokusambwa kikye, na kihaanwa kyokusambwa kya avandu, nokulombera mwene na avandu kyokukunika ubwoni.


Kandi ku vosi u letera Yahova kihaanwa kyemirembe kuduka kutwulidza lilagana, kinga kihaanwa kyomwoyo gwobuyanzi, ku tsing'ombe kinga ku magondi, ki ve kidukanu kubugirirwa ki ta va nobulema kukyo kali hakuzuzu.


Inyinga ing'ombe, kinga ligondi, kinga imbuli, yivulwa, i la va halala na innya madiku gatano na gaviri; na kutwula ku lidiku lyagatano na gavzka i la bugirirwa kuva kihaanwa kyokulombwa nomuliru ku Yahova.


naye a la vika mukono gwigwe ku mutwe gwayo, nokugiitira imbiri welihema lyokuvuganira mu; na avana va Haruni va luuha masahi gayo ku bwali tsimbega tsyosi.


Naye a la vika mukono gwigwe ku mutwe gwekihaanwa kikye, nokugiitira ha kiliango kyelihema kyokuvuganira mu: na avana va Haruni avasalisi va luuha masahi ku bwali tsimbega tsyosi.


na a la vika mukono gwigwe ku mutwe gwakyo, nokukiitira ha kiliango kyelihema kyokuvuganira mu: na avana va Haruni va luuha masahi gakyo ku bwali tsimbega tsyosi.


Na avakulundu velivugana va la vika makono gavo ku mutwe gwekimoli kigiriki imbiri wa Yahova; na kimoli kiliitirwa imbiri wa Yahova.


Na ndiyo a la kola ku kimoli kigiriki; kuli ya kola ku kimoli kigiriki kyekihaanwa kyobwoni, a la kola ndiyo ku yiki; na musalisi a la va lombera kyokukunika ubwoni, na va la samefwa.


Na a la vika mukono gwigwe ku mutwe gwekole zana, nokugiitira ha viitiranga kihaanwa kyokusambwa imbiri wa Yahova: i veye kihaanwa kyobwoni.


Na itinya yayo yosi a la gi samba ku ubwali, kuli itinya yekihaanwa kyemirembe; na musalisi a la lombera uyu ku bwoni bwibwe, kyokukunika, naye a la samefwa.


Naye a la vika mukono gwigwe ku mutwe gwekihaanwa kyobwoni nokwiita kihaanwa kyobwoni ha kihaanwa kyokusambwa kiitirwa.


Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.


Na a la vika mukono gwigwe ku mutwe gwekihaanwa kyobwoni, nokukiita ki ve kihaanwa kyobwoni ha viitiranga kihaanwa kyokusambwa.


na a la twulidza itinya yakyo, kuli itinya i twulidzangwa ku kimeme kyeligondi kyevihaanwa vyemirembe, na musalisi a la gi samba ku bwali, kuli vihaanwa vya Yahova vyokuhaanwa nomuliru; na musalisi a la lombera uyu kyokukunika ubwoni, ku bwoni bwibwe twa ya kola, naye a la samefwa.


Na a la leta kimoli kigiriki ha kiliago kyelihema lyokuvuganira mu imbiri wa Yahova; na a la vika mukono gwigwe ku mutwe gwegiriki, nokugiitira igiriki imbiri wa Yahova.


na a la leta ku Yahova, kihaanwa kikye kyelihyola lilye, ki ve kyobwoni bwibwe bwa ya kola, kimeme kyeligondi kisuveni, kinga imbuli isuveni, ki ve, kihaanwa kyobwoni; na musalisi a la lombera uyu kyokukunika ubwoni bwibwe.


na musalisi a la lombera uyu kyokukunika ubwoni imbiri wa Yahova; naye a la samefwa ku vyosi vya ya kola, kuduka kuva welihyolo.


Kandi ya leta igiriki yekihaanwa kyobwoni: na Haruni na avana veve va vika makono gavo ku mutwe gwegiriki yekihaanwa kyobwoni.


Na ya haana ligondi likole lyekihaanwa kyokusambwa: na Haruni na avana veve va vika makono gavo ku mutwe gweligondi likole.


Naye ya haana ligondi likole lindi, likole lyokutakasa: na Haruni na avana veve va vika makono gavo ku mutwe gwelikole.


Na Musa ya volera Haruni, Wisunde ku bwali, na u haane kihaanwa kikyo kyobwoni, na kihaanwa kikyo kyokusambwa, na welombere kyokukunika ubwoni, na u lombere avandu; na u haane kihaanwa kya avandu, nokuvalombera kyokukunika ubwoni; kuli Yahova ya laga.


Na musalisi a la lomba kyokukunika ubwoni bwelivugana lyosi lya avana va Israeli, na va la samefwa; kigira lya li lihyolo, navo va leti kihaanwa kyavo, kihaanwa ki lombwa nomuliru ku Yahova, na kihaanwa kyavo kyobwoni imbiri wa Yahova, kigira lihyolo lyavo:


Na musalisi a la lomba kyokukunika ubwoni bwomwoyo gwa hyola, lwa a kola ubwoni bugira kumanya, imbiri ua Yahova, kumulombera kyokukunika ubwoni; naye a la samefwa.


kandi li la va kuye, noku visukululwi vivye inyima wewe, lilagana lyobusalisi bwemihiga nemihiga; kigira ya li nelikendeka kigira Nyasaye wewe, na ya lombera avana va Israeli kyokukunika ubwoni.


na u la leta Avalevi imbiri wa Yahova. Na avana va lsraeli va la vika makono gavo ku Avalevi:


Na Avalevi va la vika makono gavo ku mitwe gyetsigiriki: nive u la haana indala ku Yahova kuva kihaanwa kyobwoni na yindi kuva kihaanwa kyokusambwa, kulombera Avalevi kyokukunika ubwoni.


Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.


wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe


Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.


Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.


Kigira si ga nyalika amasahi getsigiriki na getsimbuli kutwulidza ubwoni.


a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ