Kyavalevi 1:3 - KITABU KITAKATIFU

³ Kindu kyekihaanwa kikye ni ki va ni ki veye kihaanwa kyokusambwa kyetsing'ombe, a la leta igiriki indukanu: a la gi leta ha kiliango kyelihema lyokuvuganira mu, a duke kubugirirwa imbiri wa Yahova.

Kyavalevi 1:3 ပူးပေါင်းရင်းမြစ်များ

Litanga 22:13

Kunangwa Abrahamu ya ginga tsimoni tsitsye, na a lola, na henza, inyima wewe ha veye neligondi likole li gimeywi tsinziga tsyalyo mbulimu: na Abrahamu ya tsia na a vugula ligondi likole, na a li haana kihaanwa kyokusambwa mbugono bwomwana wewe.

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Litanga 22:8

Na Abrahamu ya vola, Mwana wange, Nyasaye mwene a lenyolera mwana weligondi lyekihaanwa kyokusambwa: kunangwa va tsia vombi halala.

Litanga 8:20

Kandi Nuhu yombakira Yahova bwali; na a vugula ku tsinyama tsinifu tsyosi, noku manyonyi manifu gosi, na a leta vihaanwa vyokusambwa ku bwali.

2 Kyetsinyinga 29:32

Na livalidzwa lyevihaanwa vyokusambwa vyelivugana lya haana lya li tsigiriki makumi gatano na gaviri, na magondi makole mia, navana va magondi tsimia tsiviri: yivi vyosi vya li vihaa nwa vyokusambira Yahova.

2 Kyetsinyinga 35:12

Na va twulidza vihaanwa vyokusambwa, va duke kuvaha kuli vidieli vyetsinyumba tsyavaguga vavana vavandu, va duke kuhaana ku Yahova, kuli ga ng'odwa mu kitabu kya Musa. Na va kola ndiyo ku tsing'ombe.

Zaburi 110:3

Avandu vovo vehaana avene nobulaliri bwavo Ku lidiku lyetsingulu tsitsyo mu bulahi bwobutakatifu: Kutwula mu inda yamabwebwe U veye nelime lyobusoleri bubwo.

Zaburi 40:8

Inze nyanza kukola ubulaliri bubwo, O Nyasaye wange; Yee, amalago gogo ga veye mu mwoyo gwange.

Kutwula 12:5

Na mwana weligondi lyenyu li la va lidukanu, bugira kindu kidamano likole lyomuhiga mulala: mu la ii vugula mu magondi, kinga mu tsimbuli:

Kutwula 24:5

Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe.

Kutwula 29:18

Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.

Kutwula 29:4

Na u la leta Haruni na avana veve ha kiliango kyelihema lyokuvuganira mu, na u la va singa mmadzi.

Kutwula 29:42

Ki la va kihaanwa kyokusambwa kya kazozo mu visukululwi vyenyu ha kiliango kyelihema lyokuvugarira mu imbiri wa Yahova, ha nda vugana nemwinye kukuvolera ha zana.

Kutwula 32:6

Navo va vuka mabwebwe na va baana tsisadaka tsyokusambwa, nokuleta tsisadaka tsyemirembe; na avandu vikala kulia nokunwa, na va singira kukina.

Kutwula 35:21

Navo vadza vosi sa mulala womwoyo gwigwe gwa mu vukidza, na vosi sa mulala womwoyo gwigwe gwa lalira, navo va leta kihaanwa kya Y ahova, kyemiyinzi gyelihema lyelivugana, na kyobutumiki bwalyo bwosi, na kyetsingubo tsintakatifu.

Kutwula 35:29

Avana va Israeli va leta kihaanwa ku Yahova; kyomwoyo gwobulaliri, avasatsa na avakali sa mulala avemyoyo gyavo gya lalira kuletera ku miyinzi, gya Yahova ya laga gyi kolwe nomukono gwa Musa.

Kutwula 35:5

Mu vugule hagati henyu kihaanwa kuhaana ku Yahova; ku vosi u veye nomwoyo gwokuyanza, a lete kihaanwa ku Yahova: ithahabu, na ifetha, na mugasa,

Kutwula 36:3

navo va vugula mmakono ga Musa vyahaanwa kyosi, kya avana va Israeli va leta ku miyinzi gyobutumiki bwa hatakatifu, va ha lombe navyo. Kandi migamba gyosi va mu letera vihaanwa nomwoyo gwobulaliri.

Kutwula 38:1

Kandi ya lomba ubwali bwekihaanwa kyokusambwa bwomusala gwe kikuma: ubutambi bwabwo bwa li ligera lyamakono gatano, na ubugalamu bwabwo bwa li ligera lyamakono gatano, tsimbega tsya li nobuleng'anu; na ubudiguluku bwabwo bwa li ligera lyamakono gavaka.

Isaya 1:11

Ubunyingi bwevihaanwa vyenyu ni kindu ki ku inze? Yahova a vola: nzizuye vihaanwa vyokusambwa vyamagondi makole, namaguta getsinyama tsinkomeru ligali; si nda yanza masahi getsigiriki, kinga gavana vamagondi, kinga age tsikole.

Ezekieli 20:40

Kigira mu kigulu kyange kitakatifu, mu kigulu kitambi kya Israeli Mwami Nyasaye a vola, avenyumba ya Israeli vosi, vosi va la tumekira inze ha zana mu kivala yikyo: na nda va bugirira ha zana, na ndenyera yo vindu vyenyu vya mu haananga nobuhya bwobwali bwenyu, halala nevindu vyenyu vitakatifu vyosi.

Ezekieli 40:39

Na mu lusimbu lwekiribwa tsya li ho tsimeza tsiviri ku luvega yilu, na tsimeza tsiviri ku lundi tsyokwiitira ku kihaanwa kyokusambwa, na kihaanwa kyobwoni, na kihaanwa kyamahvolo.

Kyavalevi 1:10

Na kihaanwa kikye ni ki va ni ki veye kyekyayo, kyamagondi kinga kyetsimbuli, kihaanwa kyokusambwa; a la ki leta kisatsa kidukanu.

Kyavalevi 14:10

Kandi ku lidiku lya gatano na gaviri a la leta vimeme viviri vikole vidukanu, na kimeme kisuvini kyomuhiga mulala kidukanu, na vidieli vibaka ku vyelikumi vyobusie, bunyuki kuva kihaanwa kyobusie bu tsukanywa namaguta, na kigero kyamaguta.

Kyavalevi 16:7

Na a la leta tsimbuli tsiviri tsikole, nokutsivika imbiri wa Yahova ha kiliango kyelihema lyokuvuganira mu.

Kyavalevi 17:4

na a vuli kugileta ha kiliango kyelihema lyokuvuganira mu, kugihaana kuva kihaanwa ku Yahova imbiri welihema lya Yahova: a la validzwa kuva nekisalya kyamasahi; u sunduye masahi; na mundu uyu a la twulidzwa mu avandu veve:

Kyavalevi 17:8

Na u la va volera, Ku vosi mundu wenyumba ya Israeli, kinga ku yavo ava menyi hagati havo, leta kihaanwa kyokusambwa, kinga kihaanwa kindi,

Kyavalevi 17:9

na a vula kukileta ha kiliango kyelihema lyokuvuganira mu, kukihaana ku Yahova; mundu uyu a la twulidzwa mu avandu veve.

Kyavalevi 23:12

Na ku lidiku lya mu hungudza kiganda, mu la leta kimeme kekole kyeligondi lidukanu, lyomuhiga mulala, li ve kihaanwa ku Yahova.

Kyavalevi 23:18

Na halala nobukima mu la leta vimeme vyamagondi vitano na viviri vidukanu vyomuhiga mulala, kandi kimoli kigiriki, kandi magondi makole gaviri: vi la va kihaanwa kyokusambwa ku Yal ova halala na kihaanwa kyavyo kyobusie, na vihaanwa vyakyo vyokunwa, kuva kihaanwa kyomwayu mulahi kya lombwa nomuliru ku Yahova

Kyavalevi 3:1

Kandi kihaanwa kikye ni ki va ni ki veye kihaanwa kyemirembe; na a va na a leta ku tsing'ombe igiriki kinga iroli, a la gi leta indukanu imbiri wa Yahova.

Kyavalevi 4:15

Na avakulundu velivugana va la vika makono gavo ku mutwe gwekimoli kigiriki imbiri wa Yahova; na kimoli kiliitirwa imbiri wa Yahova.

Kyavalevi 4:23

na a va na u vuulirwa ubwoni bwibwe bwa ya kola, a la haana kihaanwa kikye, ki la va imbuli ikole indukanu.

Kyavalevi 4:3

musalisi wa vakwa na a va na kola ubwoni kuduka kuleta kyokukalagirwa ku avandu, hene yaho a haane kigira ubwoni bwibwe, bwa ya kola, a la haana ku Yahova kimoli kigiriki ki dukanu kuva kihaanwa kyobwoni.

Kyavalevi 4:32

Na a va na a leta kimeme kyeligondi kuva kihaanwa kikye kyobwoni, a la ki leta isuveni indukanu.

Kyavalevi 5:15

Ku vosi mundu na a hyola, nokukola ubwoni bugira kusaavira mu vindu vitakatifu vya Yahova, hene yaho a la leta kihaanwa kyelihyolo kikye ku Yahova, likole lyamagondi lidukanu lyomu kyayo kya magondi, kuli livalidza lilyo lyeshekeli lyefetha kuleng'ana neshekeli ya hatakatifu, ki ve kihaanwa kyelihyolo:

Kyavalevi 5:18

Naye a la leta ligondi likole lyekyayo lidukanu, kuli livalidza lilyo, li ve kihaanwa kyelihyolo, a la li leta ku musalisi; na musalisi a la mu lombera kyokukunika ubwoni ku likuva lya ya hyola ku bugira lisaavira na a ta manya, naye a la samefwa.

Kyavalevi 6:2

Mulala ku vosi na a kola ubwoni, nokuhyola ku Yahova nokuvehera wakye ku kindu kyokuiindwa, kinga agelilagana, kinga agelinuula, kinga kutindira wakye,

Kyavalevi 6:8

Na Yahova ya volera Musa, nokuvola,

Kyavalevi 7:16

Navutswa kihaanwa kikye ni ki va ni ki ve kihaanwa kyelilagana, kinga kihaanwa ki letwa nomwoyo gwobuyanzi, ki la libwa ku lidiku lya ya ki leta; na kya tigala ku inyama yekihaanwa ki la libwa ku lidiku lya kaviri:

Kyavalevi 8:18

Na ya haana ligondi likole lyekihaanwa kyokusambwa: na Haruni na avana veve va vika makono gavo ku mutwe gweligondi likole.

Kyavalevi 8:21

Na yogidza vyomunda, ne virenge na amadzi; na Musa ya samba ligondi likole lyosi ku bwali: kya li kihaanwa kyokusambwa kuva mwayu: kya li kihaanwa kya haanwa nomuliru ku Yahova; kuli Yahova ya laga Musa.

Kyavalevi 9:2

na ya volera Haruni, U vugule kimoli kyekyayo kuva kihaanwa kyobwoni, na ligondi likole lidukanu kuva kihaanwa kyokusambwa, na u vi haane imbiri wa Yahova.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Malaki 1:14

Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.

Livalidza 15:3

ni mwenya kuhaana ku Yahova kihaanwa kyomuliru, kihaanwa kyokusambwa, kinga kihaanwa kyokwiitwa kudukidza lilagana, kinga ni ki veye kihaanwa kyobuyanzi, kinga mu madiku manene genyu gamalia genyu, kulombera Yahova mwayu mulahi, kihaanwa kyetsing'ombe kinga kyamagondi;

Livalidza 15:8

Na lwa u lomba igiriki kuva kihaanwa kyokusambwa, kinga kuva kihaanwa kyokwiitwa kudukidza lilagana, kinga kuva vihaanwa vyemirembe ku Yahova;

Livalidza 19:2

Yaga namakuva gelilaga lya Yahova ya laga, nokuvola, U volere avana va Israeli, va ku letere ing'ombe iroli inzakanyu, i ta li nembala, i veye indukanu, na i vula kubofwa inira.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Livalidza 23:27

Na Balaki ya volera Balaam, Hamba, kalunu nda ku hiia ahandi; namusia Nyasaye a la yanza u naamire avandu yava ha zana.

Livalidza 23:3

Na Balaam ya volera Balaki, U singire hano himbi nekihaanwa kikyo kyokusambwa, na inze nda tsia: namuiia Yahova a ladza ku inze ku lolane; na gosi aga a mannya inze nda ku volera. Naye yanegira ku kigulu.

Livalidza 23:30

Na Balaki ya kola kuli Balaam ya vola, na a haana igiriki na ligondi likole ku bwali sa bulala.

Livalidza 28:11

Kandi mu butangiru bwemiyeli gyenyu mu la leta ku Yahova kihaanwa kvokusambwa: nakyo ki la va tsing'ombe tsigiriki tsiviri tsisoleli, na ligondi lilala likole, na vimeme vyamagondi vikole vitano na viviri vidukiru:

Livalidza 28:19

navutswa mu la haana kihaanwa kya lombwa nomuliru, kihaanwa kyokusambwa ki leterwa Yahova: tsigiriki tsisoleli tsiviri, neligondi likole lilala, nevimeme vikole vitano na viviri vyomuhiga mulala; vi la va ku mwinye vidukiru;

Livalidza 28:31

Nokumeda ku kihaanwa kyokusambwa kya kazozo, na kihaanwa kyobusie kyatsyo, mu la tsi haana (tsi la va ku mwinye tsindukiru), halala nevihaanwa vyatsyo vyokunwa.

Livalidza 29:13

na mu la haana kihaanwa kyokusambwa, kihaanwa ki lombangwa nomuliru kuva kyokufunya mwayu ku Yahova; tsigiriki tsisoleli likumi na tsivaka, magondi makole gaviri, vimeme vikole vyamagondi vyomuhiga mulala likumi na vine; vi la va vidukiru;

Livalidza 29:2

Na mu la haana kihaanwa kyokusambwa kuva kyokufunya mwayu ku Yahova: igiriki isoleli indala, ligondi likole lilala, vimeme vyamagondi vikole vyomuhiga mulala, vidukiru;

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Yohana 1:36

na a henza Yesu lwa ya genda, na a vola, Henza Mwana weligondi wa Nyasaye

Yohana 10:7

Kunangwa Yesu ya va volera kandi, Ligali, ligali, Inze mbeye kiliango kyamagondi.

Yohana 10:9

Inze ni kiliango; mu ndu ni yingira ku inze, a la honnywa, naye a lingira mugati kandi a twula kyova, kandi a la lola kyayo.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

2 Vakorintho 9:7

Mundu sa mulala a kole kuli a yanza: si ga li ku buvereri, kinga ku linigwa: kigira Nyasaye a yanza u haananga nobusangali.

Vafeso 2:18

kigira kuye kwinye kwosi ku veye nobwiyangu kuduka ku Dada mu Roho mulala.

Vafeso 5:27

a duke kwenyolira livugana lyobukumi, li ta li nembala kinga makunya, kinga kindi kindu kuli yivi; navutswa li ve litakatifu li ta li nekindu.

Kwidzulitsa 12:27

na u haane vihaanwa vivyo vyokusambwa, invarna namasahi, ku bwali bwa Yahova Nyasaye wowo; namasani gevihaanwa vivyo u ga tsuke ku bwali bwa Yahova Nyasaye wowo; na ive u lie inyama yene.

Kwidzulitsa 15:21

Ni ki va ni ki veye kilema, kisegera, ki veye kiboku, kinga kyobulema budamano ku bwosi, u ta ki haana ku Yahova Nyasaye wowo mba.

Kwidzulitsa 17:1

U tiitira Yahova Nyasaye wowo ing'ombe, kinga ligondi, vi veye nobulema, kinga kindu kidamano kuvyo; kigira yili ni livihiriridza ku Yahova Nyasaye wowo.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?