Kwidzulitsa 9:26 - KITABU KITAKATIFU

²⁶ Na nda saala Yahova, ni mbola, O Yahova Nyasaye, u ta dividza avandu vovo, miyandu gyigyo, ava wa boholola nobunene bubwo, ava wa twulidza Egepeti nomukono gwetsingulu.

Kwidzulitsa 9:26 ပူးပေါင်းရင်းမြစ်များ

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

1 Avami 8:53

Kigira ive wa vahula nokuvatwulidza mu avandu vosi velirova, va ve miyandu gyigyo, kuli wa vola nomunwa gwa Musa mutumekiri wowo, lwa wa leta vaguga vetu kutwula mkivala kya Egepeti, O Yahova Nyasaye.

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 106:23

Kunangwa ya vola a la va dividza Na a ta li Musa mutovole wewe ya singira ha huduka imbiri wewe, Kugirunkannya ubutima bwibwe gase a la ra dividza.

Zaburi 107:2

Ava nanulwa va Yahova, va vole ndiyo, Ava u nanuye mu makono gomusigu,

Zaburi 28:9

U honnye avandu vovo, na u gasidze miyandu gyigyo: Kandi u ve mwayi wavo, na u va ginge kazozo.

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Zaburi 77:15

U nanuye avandu vovo nomukono gugwo, Avana va Yakobo na Yosefa. [Selaha

Zaburi 78:35

Na vidzulitsa Nyasaye a veye lwanda lwavo Na Nyasaye Weigulu Ligali mu honyi wavo.

Zaburi 99:6

Musa na Haruni va li mu avasalisi veve, Na Samweli mu avanira lieta lilye; Vanira Yahova, naye ya va tivulira.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 33:13

Kunangwa, kalunu nku saala, ni mba ni nyoye tsimbabasi imbiri wowo, u mmannye tsinzira tsi tsyo, inze nduke kukumanya, nduke kunyola liverererwa imbiri wowo: na widzulitse ihiri yiyi i veye avandu vovo mwene.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 63:19

Kwa duka kuva kuli yavo ava wa vula kwameha kuvo, kuli yavo ava vula kulangwa ku lieta lilyo.

Jeremia 14:21

U ta ku vihirirwa mba, kigira lieta lilyo; u ta legannya intebe yobwami yobukumi bubwo: widzulitse, u tononnya lilagana lya wa kola nekwinye.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Mika 6:4

Kigira nda leta ive kwanegira kutwula mu kivala kya Egepeti, nda ku tungira u twule mu inyumba yobutugwa: na nda tuma mbiri wowo Musa, na Haruni, na Miriamu.

Kwidzulitsa 13:5

Kandi muprofeti uyu, kinga muloti wamaloto, uyu a liitwa, kigira ya vola agobukyamu ku Yahova Nyasaye wenyu, wa mu twulidza mu kivala kya Egepeti, na a mboholola mu inyumba yobutugwa, a duke kumuhinula ku inzira ya Yahova Nyasaye wowo a ku laga kugenda muyo. Ni ndiyo u la twulidza ubudamano bu twule hagati hoho.

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 21:8

O Yahova, sameha avandu vovo Israeli, ava wa boholola, kandi u ta leka masahi ga ta li nekindu hagati ha avandu vovo Israeli. Namasahi yaga ga la samefwa kuvo.

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 9:12

Na Yahova ya mbolera, Singira, wike bwangu; kigira avandu vovo va wa twulidza Egepeti veyononyi; va girunkani nonoho kuleka inzira ya nda va laga; velombeye kifwananyi kya longwa.

Kwidzulitsa 9:27

Widzulitse avatumekiri vovo, Abrahamu, Isaka, na Yakobo; u ta henza ubukyamu bwavandu yava, kinga ubudamano bwavo, kinga ubwoni bwavo,

Kwidzulitsa 9:29

Halala na yaga va veye ihiri yoyo, miyandu gyigyo, ava wa twulidza netsingulu tsitsyo tsinene nomukono gugwo gwa nyirika.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 9:12

naho si li veye ku masahi getsimbuli nagevimoli, navutswa ku masahi gege mwene, yingira inyinga indala eng'ine hatakatifu, u nyoye ubutungiri bwemihiga nemihiga.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,

1 Samweli 7:9

Kunangwa Samweli ya vugula kimeme kyeligondi ki nunanga, na ya ki haana kigima ki ve kihaanwa kyokusambwa ku Yahova: na Samweli yanira Yahova kigira Israeli; na Yahova ya mu tivulira.