Kwidzulitsa 9:24 - KITABU KITAKATIFU

²⁴ Mwa li nobutingu ku Yahova kutwula lidiku lya nda tanga kumanya mwinye.

Kwidzulitsa 9:24 ပူးပေါင်းရင်းမြစ်များ

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kutwula 32:22

Na Haruni ya vola, Ubutima bwomwami wange bu taaka mba: ive u manya avandu yava, va veye nomwovo gwokukola ubudamano.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Jeremia 4:17

Va vuka kuye kuli avalindi vomulimi kumukumbiridza tsimbega tsyosi; kigira ya li ni yebaaye ku inze, Yahova a vola.

Ezekieli 20:8

Navutswa vebaala ku inze, si va bugirira kuhulira inze mbava vula kuta sa mulala kivihiri kyetsimoni tsyavo, kandi si va leka vifwananyi vya Egepeti. Hene yaho nda manya ni mbola, Nda tsuka ubutima bwange kuvo, nduke kudukidza ubutima bwange kuvo hagati hekivala kya Egepeti.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Livalidza 17:10

Na Yahova ya volera Musa Vika kandi impimbo ya Haruni imbiri welilolekidza, i lindwe kuva kilolekidzu ku avana vobwebaali; u duke kuheridza limonya lyavo ku inze, va vule kukudza.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Livalidza 32:14

Na, henza, mwinye mu singeye mu bugono bwavaguga venyu, limedeka lya avandu vobwoni, kumeda kandl ubutima bululu bwa Yahova ku Israeli.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Kwidzulitsa 31:27

Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 9:4

U ta vola mmwoyo gugwo, lwa Yahova Nyasaye wowo a mala kuvakunga kutwula imbiri wowo, na u vole, Ga veye kigira bulungi bwange Yahova ya mbika kugumira kivala yiki; navutswa ga veye kigira ubudamano bwetsihiri yitsi Yahova ya va kunga va twule imbiri wowo.