Kwidzulitsa 9:18 - KITABU KITAKATIFU

¹⁸ Ni ngwa hasi imbiri wa Yahova madiku makumi gane ubudiku nombasu, kuli matsyambiri; nda vula kulia vyokulia, kinga kunwa madzi; kigira mahyolo genyu gosi ga mwa hyola, ku likola lyobudamano mmoni mwa Yahova, kumuvihiriridza.

Kwidzulitsa 9:18 ပူးပေါင်းရင်းမြစ်များ

2 Samweli 12:16

Kunangwa Daudi ya saala Nyasaye kigira mwana; na Daudi ya honga lilia, na yingira, na a gona hasi ubudiku bwosi.

1 Avami 19:8

Naye ya vuka, na a lia na a nwa, na a genda mu tsingulu tsye vyokulia yivyo lugendo lwamadiku makumi gane nobudiku makumi gane kuduka Horebu kigulu kya Nyasaye.

Ezara 10:6

Hene yaho Ezara ya vuka na a twula imbiri wenyumba ya Nyasaye, na yingira mu inyumba ya Jehohanan mwana wa Eliashibu: na lwa ya duka ho, si ya lia vyokulia, kandi si ya nwa madzi mba; kigira ya li na a liliranga lihyola lyavandu velyadiki dzwa.

Zaburi 106:23

Kunangwa ya vola a la va dividza Na a ta li Musa mutovole wewe ya singira ha huduka imbiri wewe, Kugirunkannya ubutima bwibwe gase a la ra dividza.

Kutwula 34:28

Naye ya li ho halala na Yahova madiku makumi gane mbasu nobudiku; na ya vula kulagira ubukima, kinga kunwa amadzi. Naye ya ng'oda makuva ga lilagana ku vibao, amalago likumi.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Kwidzulitsa 10:10

Na nda menya mkigulu, kuli matsyambiri, madiku makumi gane ubudiku nombasu: na Yahova ya mbulira inyinga yeyo kandi: Yahova si yenya kukwononya.

Kwidzulitsa 9:17

Na nda gumira vibao viviri, ni mbi ta kutwula mmakono gange gombi, ni mbiyatanyira imbiri wetsimoni tsyenyu.

Kwidzulitsa 9:25

Hene yaho nda gwa hasi imbiri wa Yahova madiku makumi gane budiku nombasu madiku zana ga nda gwa hasi, kigira Yahova ya vola a la mu dividza.

Kwidzulitsa 9:9

Lwa ndanegira mkigulu kuvugula vibao vyamagina, navyo vi veye vibao vyelilagana lya Yahova ya kola nemwinye, hene yaho nda menya mu kigulu madiku makumi gane, mbasu nobudiku; nda vula kulia vyokulia kinga kunwa madzi.