Kwidzulitsa 8:2 - KITABU KITAKATIFU

² Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

Kwidzulitsa 8:2 ပူးပေါင်းရင်းမြစ်များ

Litanga 22:1

Inyima wevindu yivi, Nyasaye ya geridza Abrahamu, na a mu voiera, Abrahamu; naye ya bugira yo Mbeye hano.

2 Kyetsinyinga 32:31

Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

2 Kyetsinyinga 33:12

Na lwa ya li mu kivi, yanira Yahova Nyasaye wewe, ni yegehidza ligali imbiri wa Nyasaye wavuguga veve.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

Nehemia 9:19

navutswa ive mu tsi mbabasi tsinene tsitsyo, si wa va leka mu kyangalangwi: munara gwe lilesi si gwa twula kuvo mmbasu, kuvimirira inzira; kinga munara gwo muliru inyinga yobudiku, kuvaha ubulavu, nenzira ya ga va dukira kutsia kuyo.

Ayubu 33:17

A duke kutwulidza mundu a leke lisaavira lilye, Nokuvisa luyai ku vandu;

Zaburi 103:2

Gasidza Yahova, O mwoyo gwange, U tivirira vyosi vya a ku kolera:

Zaburi 106:7

Vaguga vetu si va mannya vikolwa vivyo vyokugenya mu Egepeti; Si vidzulitsa ubunyingi bwetsimbabasi tsitsyo, Navutswa vebaalira ha inyanza, kali ha Inyanza Inzakanyu.

Zaburi 136:16

Ku uyu wimirira avandu veve mwigendanyama; Kigira tsimbabasi tsitsye tsi veye ho mihiga nemihiga:

Zaburi 77:11

Nda landidza amakuva gelikola lya Yahova; Kigira ndidzulitsa vyokugenya vivyo vya kale.

Zaburi 81:7

Mu kivi wanira, na inze nda ku honnya; Nda ku tivulira mbuvisi bwenkupa; Nda ku geridza ha amadzi ga Meriba. [Selaha

Kutwula 15:25

Naye yanira Yahova, na Yahova ya mmannya musala, na ya gu vika mu amadzi, na amadzi ga gwa makindu. Kunangwa ya va lombera ho lilaga na likalaga, na a va gerihidza ho;

Kutwula 16:35

Na avana va Israeli va lagira mana mihiga makumi gane, kuduka inyinga va duka mu kivala ki veye navandu; va lagira mana, kuduka inyinga ya vingira mu tsinzako tsye kivala kya Kanani.

Kutwula 16:4

Hene yaho Yahova ya volera Musa, Henza, Nda mu kupidzira imbula yobukima kutwula migulu; na avandu va la tsia kyova kazozo kudola kidieli kyelidiku selilala, nduke kuvageridza, ni va va ni va genda mu malago gange naho mba.

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Ezekieli 20:19

Inze mbeye Yahova Nyasaye wenyu: mu gende mu malago gange, kugumira miima gyange, nokugakola;

Amosi 2:10

Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Livalidza 14:33

Na avana venyu va la va avavavi mu kyangalangwi mihiga makumi gane, na va la ginga musigo gwobuheyi bwenyu, kuduka mibiri mikudzu gyenyu gyi la diva mu kyangalangwi.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Yohana 2:25

kandi si ya li neliyenya iyomundu a mu lolekidzire amakuva gomundu; kigira mwene a manya aga veye mu mundu.

Kwidzulitsa 1:3

Ga duka ku muhiga gwa kola makumi gane, mweli gwelikumi na mulala, lidiku lyokutanga mweli, Musa ya volera avana va Israeli, kuli gosi ga Yahova ya mu ha gokuvalaga;

Kwidzulitsa 1:33

wa mwimirira ku inzira, nomuliru mbudiku a duke kummannya hokusingiridza mahema genyu, nambasu nelilesi ku mu mannya hokugenda.

Kwidzulitsa 13:3

u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

Kwidzulitsa 2:7

Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Kwidzulitsa 29:5

Na inze nda mwimirira mihiga makumi gane mu kyangalangwi: tsingubo tsyenyu si tsya kunguha ku mwinye mba, kinga kilatu kikyo si kya kunguha mu kirenge kikyo.

Kwidzulitsa 32:7

Widzulitse madiku ga kale, U ganagane mihiga gyevisukululwi vinyingi: U teve dada wowo, naye a la ku mannya; Avakulundu vovo, navo va la ku volera.

Kwidzulitsa 7:18

U ta va tia mba: widzulitse ligali Yahova Nyasaye wowo, kuli ya kola Farao, na Egepeti yosi;

Kwidzulitsa 8:16

wa ku lageridza maana mu kyangalangwi, ya vaguga venyu va vula kumanya; a duke kukugehidza, a duke kukugeridza, a duke kukukolera bulahi mu kiheri kikyo:

Yakobo 1:3

Kigira mu manya ligeridzwa lyelisuuvira lyenyu li letanga ubwikudziri.

Yakobo 4:10

Mwegehidze mwinye avene imbiri wo Mwami, naye a la mu nenehidza.

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Vakalagi 2:22

nduke kugeridza Israeli navo, ni va va ni va gumira inzira ya Yahova kugenda muyo, kuli avaguga vavo va gi gumira, naho.

Vakalagi 3:4

Yavo va lekerwa, kugeridza Israeli navo, kumanya ni va va ni va hulira amalago ga Yahova, ga ya laga avaguga vavo nomukono gwa Musa.