Kwidzulitsa 8:18 - KITABU KITAKATIFU

¹⁸ Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

Kwidzulitsa 8:18 ပူးပေါင်းရင်းမြစ်များ

Litanga 32:14

tsimbuli tsinkali tsimia tsiviri na tsikole makumi gaviri, na magondi tsimia tsiviri na makole makumi gaviri,

1 Kyetsinyinga 29:12

Ubutugi nelidzominywa vi twula ku ive, na wamehanga ku vindu vyosi; tsingulu nobunyali vi veye mu mukono gugwo; nomu mukono gugwo gu nyoleranga vosi ubunene netsingulu.

2 Kyetsinyinga 25:9

Na Amazia ya volera mundu wa Nyasaye, Navutswa ku la kola ndi tsitalenta mia tsya nda ha lihe lya Israeli? Mundu wa Nyasaye ya mu tivulira, Yahova a nyala kukuha kuvita yitsyo ligali.

Zaburi 144:1

A gasidzwe Yahova, lwanda lwange Wegidza makono gange ku lihe, Na videte vyange kulwana.

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Kohelethu 12:1

Widzulire Mulombi wowo mu madiku gobusoleli bubwo, madiku madamano ni ga kikiri kuduka, na mihiga kwisunda himba, gya u li vola ku makuva gagyo, si mbeye nobusangali kandi mu mihiga yigyi;

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Jeremia 23:27

Ava ganagananga kunga avandu vange vivirire lieta lyange kigira maloto gavo ga va voleranga mundu sa mulala nowakye, kuli avaguga vavo vivirira lieta lyange kigira Baal.

Hosea 2:8

Kigira uyu si a manya inze nda mu ha ubuswage, newaini, namagu ta, nokumeda kuye ifetha nethahabu, vya va tumekira Baal.

Kwidzulitsa 26:10

Na kalunu, henza, ndeti vyokutanga ku makuyu gekivala, kya ive, tswa mba Yahova. Na u ki viki hasi imbiri wa Yahova Nyasaye wowo, u sigame imbiri wa Yahova Nyasaye wowo: i

Kwidzulitsa 6:11

netsinyumba tsi zula vindu vilahi vyosi, vya wa vula kwidzulitsa, nevidaho vya yavwa, vya wa vula kuyava, nemilimi gyemizabibu, na gyemizeituni, gya wa vuia kusimika, nive u la lia nokweguta;

Kwidzulitsa 7:12

Na ga la duka, kigira mwa hulira makalago yaga, nokugumira nokugakola, Yahova Nyasaye wowo a la dukidza ku ive lilagana netsimbabasi tsya yesuhira avaguga vovo:

Kwidzulitsa 7:8

navutswa kigira Yahova a mu yanza, na kigira yenya kudukidza lyesuha lya yesuhira avaguga venyu, kunangwa Yahova ya mu twulidza nomukono gwetsingulu, ya mboholola mu inyumba yo butugwa, mmukono gwa Farao mwami wa Egepeti.

Kwidzulitsa 8:1

Amalago gosi ga nku lagi lero mu ga gumire kugakola, mu duke kuva mwoyo, nokumedeka, nokwingira, mu gumire kivala kya Yahova yesuhira avaguga venyu.

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.

Vakalagi 7:2

Na Yahova ya volera Gideon, Avandu va veye halala nive va veye vanyingi ligali, inze si nyala kuvika Vamidiani mmakono gavo, gase Israeli va legingira ku inze, nokuvola, Mukono gwange mwene gwa mbonnya.

1 Samweli 2:7

Yahova a kolanga mundu kuva mudaka, kandi a tugidzanga: Yikidzanga hasi, kandi a ginganga igulu.