Kwidzulitsa 8:14 - KITABU KITAKATIFU

¹⁴ hene yaho mwoyo gugwo gu liginga, na u livirira Yahova Nyasaye wowo, wa ku twulidza mkivala kya Egepeti, mu inyumba yobutugwa;

Kwidzulitsa 8:14 ပူးပေါင်းရင်းမြစ်များ

2 Avami 14:10

Ligali ive wa guuta Edom, nomwoyo gugwo gwa kwigingiridza: wiidzominye ku yago, nokumenya hango hoho; kigira ki wegemeranga u luhe u gwe, ive, na Yuda halala nive?

2 Avami 17:38

nelilagana lya nda kola halala nemwinye mu tivirira mba; kandi mu ta tia vanyasaye vandi mba:

2 Kyetsinyinga 26:16

Navutswa lwa ya mala kunyola tsingulu, mwoyo gwigwe gweginga, na a kola ubudamano, nokuhyola ku Yahova Nyasaye wewe; kigira yingira mu litempeli lya Yahova a duke ku vuyidza ku bwali bwokuvuyidza vimuli.

2 Kyetsinyinga 32:25

Navutswa Hezekia si ya kola kandi kuli ubulahi bwa ya kolerwa; kigira mwoyo gwigwe gwe ginga: kigira yaga ubutima bwa li kuye, noku Yuda na Yerusalemi.

Zaburi 106:21

Vivirira Nyasaye Muhonyi wavo Uyu wa va kolera vindu vinene mu Egepeti,

Zaburi 78:7

Va duke kuvika lisuuvira lyavo ku Nyasaye Na va vule kwivirira vikolwa vya Nyasaye, Navutswa va gumire amalago gege,

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 23:27

Ava ganagananga kunga avandu vange vivirire lieta lyange kigira maloto gavo ga va voleranga mundu sa mulala nowakye, kuli avaguga vavo vivirira lieta lyange kigira Baal.

Danyeli 11:12

Na kiduma ki la va nomwoyo gwokwigingira, naye a la va nomwoyo gwelidzominywana a la tsoma hasi avandu tsielfu amakumi gamakumi, navutswa si a la guuta mba.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Kwidzulitsa 13:6

Ni i va amwavo wowo, mwana wa mama wowo, kinga mwana wowo muyai, kinga mukana, kinga mukali womukiritu kikyo, kinga mulina wowo, u veye kuli mwoyo gugwo, na a ku goonya makiriri, na a ku volera, Genda ku tsie kusigamira avanyasaye a v andi, ava u ta manya, ive, kinga vaguga vovo;

Kwidzulitsa 17:20

mwoyo gwigwe gu ta gingwa igulu ku avamwavo veve, kandi a ta girunkana mu lilaga ku yeka ku mukono mulungi, kinga mukono mmosi: a duke kukola madiku gege manyingi mu bwami bwibwe, uyu navana veve hagati ha Israeli.

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 6:11

netsinyumba tsi zula vindu vilahi vyosi, vya wa vula kwidzulitsa, nevidaho vya yavwa, vya wa vula kuyava, nemilimi gyemizabibu, na gyemizeituni, gya wa vuia kusimika, nive u la lia nokweguta;

Kwidzulitsa 8:11

Welinde gase u livirira Yahova Nyasaye wowo, ku livula kugumira malago gege, nelikalaga lilye, ne miima gyigye gya nku laganga lero:

Kwidzulitsa 8:13

nevyayo vyetsing'ombe nevyamagondi vi medeka, nefetha yoyo nethahabu yoyo vi medeka, na vyosi vya u veye navyo vi medeka;

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.