Kwidzulitsa 7:25 - KITABU KITAKATIFU

²⁵ Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Kwidzulitsa 7:25 ပူးပေါင်းရင်းမြစ်များ

2 Avami 23:14

Na ya tigula vifwananyi, nokutema misala gyemisambwa, nokwizulitsa bugono bwavyo vigumba vyavandu.

1 Kyetsinyinga 14:12

Navo va leka avanyasaye vavo ha zana; na Daudi ya laga, ni va sambirwa ho.

Kutwula 20:17

U ta kayirwa inyumba yowakyo mba, u ta kayirwa mukali wowakyo mba, kinga mutugwa muyai wewe, kinga mutugwa mukana wewe, kinga ing'ombe yeye, kinga isukiri yeye, kinga kilala ku vyosi vya a veye navyo.

Kutwula 32:20

Naye ya vugula kimoli kya va lomba, nokukisamba nomuliru, nokukisia kuduka kuva ubusie, nokutsuka mmadzi, nokuniga avana va Israeli va nwe.

Kutwula 8:26

Na Musa ya vola, Si ga ku dukira kukola ndiyo; kigira ku la lombera Yahova Nyasaye wetu isadaka yekivihiri kya Avaegepeti imbiri wetsimoni tsyavo: henza, ku la lomba isadaka yekivihiri kya Avaegepeti imbiri wetsimoni tsyavo, navo si va la ku lasa magina?

Isaya 30:22

Na mu lononnya kyakunika ku vifwananyi vivyo vya vadzwa vyefetha, na kyafuma ku vifwananyi vivvo vya longwa vyethahabu: u la vi syuva kuli kindu kidamano; na u la vola, Twula hano.

Isaya 41:24

Henza, mu veye vya vutswa; nemiyinzi gyenyu ni gya vutswa; u tovolanga mwinye a veye livihiriridza.

Kyavalevi 13:52

Na a la samba ingubo zana ni tsi veye tsimbusi tsyobulungi kinga tsyobugika, mu ingubo yobwoya bwamagondi kinga yekatani, kinga ku kyosi kyelisero, yelilwala li veye mu: kigira bu veye ubugere bululu; ingubo yiyi i la sambwa nomuliru.

Kyavalevi 19:4

Mu ta girukana kulonda misambwa, kandi mu telombera avanyasaye ava vadzwa: inze mbeye Yahova Nyasaye wenyu.

Zefania 1:3

Nda heridza avandu netsinyama; nda heridza manyonyi gombwerefu, netsisudzi tsi veye mu inyanza, na vyokwikigitalidza halala navadamano; nda twulidza umundu mu Iirova, Yahova a vola.

Kwidzulitsa 12:3

na mu lononya bwali bwavo, mu sambule minara gyavo gyi ve vidonye na mu la samba misala gyemisambwa gyavo nomuliru; na mu temage vifwananyi vya vadzwa vya vanyasaye vavo; no mu leya ameta gavo kugatwulidza ha zana.

Kwidzulitsa 13:16

Nevilanye vyalyo vyosi u vi vungidze hagati henzira yalyo, na u sambe lidala zana nomuliru, nevilanye vyalyo vyosi, ha ve kihaanwa ku Yahova Nyasaye wowo: na li la va kitumi mihiga nemihiga; li la vula kwombakwa kandi.

Kwidzulitsa 17:1

U tiitira Yahova Nyasaye wowo ing'ombe, kinga ligondi, vi veye nobulema, kinga kindu kidamano kuvyo; kigira yili ni livihiriridza ku Yahova Nyasaye wowo.

Kwidzulitsa 23:18

U ta leta amadanyi gomuheyi, kinga madanyi gembwa, mu inyumba ya Yahova Nyasaye wowo kigira lisuuviridza lyosi: kigira vindu yivi vyombi vi veye livihiriridza ku Yahova Nyasaye wowo.

Kwidzulitsa 27:15

A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 7:16

Na u la dividza tsihiri tsyosi tsya Yahova Nyasaye wowo a ku ha; imoni yoyo i ta va vererera: kinga u ta tumekira vanyasaye vavo: kigira i la va mutego ku ive inkuva yiyi.

Kwidzulitsa 7:5

Navutswa mu va kola ndi: mu tigule ubwali bwavo, na mu sambule minara gyavo gyi ve vidonye, muteme misala gyemisambwa gyavo, mu sambe vifwananyi vyavo nomuliru.

Joshua 7:1

Navutswa ava Israeli va kola lihyolo ku kya gimwa; kigira Akan, mwana wa Karmi, mwana wa Zabedi, mwana wa Zera, ku ihiri ya Yuda, ya vugula ku kya gimwa: nobutima bwa Yahova bwaka ku avana va Israeli.

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

Likunula 17:5

kandi mu bweni bwibwe ya li nelieta li ng'odeywi ndi, KIVl SEYWI, BABULONI MUNENE, NNYA WAVAHE YI KANDI WEVIVIHIRIRIDZI VYELIROVA.