Kwidzulitsa 7:13 - KITABU KITAKATIFU

¹³ na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

Kwidzulitsa 7:13 ပူးပေါင်းရင်းမြစ်များ

Nehemia 9:32

Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

Ayubu 1:10

Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Ayubu 42:12

Na ndiyo Yahova ya gasidza kiheri kya Ayubu kuvita litanga lilye: naye ya li namagondi tsielfu likumi na tsine, netsing'amia tsielfu tsitano na indala, netsing'ombe tsyo kulima tsielfu tsiviri, netsisukiri tsi dwasi elfu indala.

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Zaburi 11:7

Kigira Yahova a veye nobulungi; a yanza vikolwa vilungi: Avalungi va la lola mumoni mwimwe.

Zaburi 127:3

Henza, avana va veye miyandu gya Yahova; Na lwivulo lwenda lu veye madanyi gege.

Zaburi 146:8

Yahova a kunula tsimoni tsyavaboku; Yahova a digulula avinaminywa; Yahova a yanza avalungi;

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Tsing'ano 15:9

Inzira yavadamano i veye ubuvihiriridzi ku Yahova; Navutswa a yanza uyu u londananga nobulungi.

Kyavalevi 26:9

Na nda yekidza ku mwinye tsimoni tsyange, nokumuha lwivulu lunyingi, nokumumeda, nokusingeridza lilagana lyange na mwinye.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Yohana 14:21

Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 28:1

Na ga la duka, nu u va nu u hulira ligali mwoyo gwa Yahova Nyasaye wowo, nokulinda nokukola malago gege gosi ga nku laganga lero, hene yaho Yahova Nyasaye wowo a la ku vika igulu ku tsihiri tsyosi tsyomu lirova:

Kwidzulitsa 28:11

Na Yahova a la ku kola u ve nobunyingi bwobugasu, mu lwivulu lwenda yoyo, nolwalo lwetsinyama tsitsyo, noku lyama lyekivala kikyo, mu kivala kya Yahova yisuhira vaguga vovo a la ku ha.

Kwidzulitsa 30:5

na Yahova Nyasaye wowo a la ku leta mu kivala kyavaguga vovo va gumira, na ive u la ki gumira; na a la ku kolera bulahi, nokukukola u ve vanyingi kuvita avaguga vovo.

Kwidzulitsa 7:7

Yahova si ya vika ubuyanzi bwibwe ku mwinye, kinga si ya mu tovola, kigira mwa vita ihiri yindi ku tsyosi nobunyingi; kigira mwa li vakekeke kuvita avandu vosi: