Kwidzulitsa 6:24 - KITABU KITAKATIFU

²⁴ Na Yahova ya ku laga kukola amalago yaga gosi, nokutia Yahova Nyasaye wetu, bu duke kuva ubulahi ku kwinye madiku gosi, a ku honnye ku ve mwoyo, kuli ga veye lero.

Kwidzulitsa 6:24 ပူးပေါင်းရင်းမြစ်များ

Zaburi 41:2

Yahova a la mu denda, na a la mu linda a ve mwoyo, Na a la mu gasidza ku lirova; Na u ta mu vika mu bulaliri bwavasigu veve.

Zaburi 41:3

Yahova a la mu konya ku kitali kyobudedekere: Mu bulwaye bwibwe u la mu lombera kitali kuva kidoto.

Zaburi 66:9

U vikanga mwoyo gwetu mu bulamu, Na si a leka virenge vyetu kudengeya.

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Tsing'ano 22:4

Madanyi gelyegehidza nokutia Yahova Ga veye ubutugi, na lidzominywa, na livamwoyo.

Tsing'ano 9:12

Nu u va nu veye nobugeeri, u veye nobugeeri bubwo mwene; Nu u va nu u lega, ive mwene u la ginga lilega zana.

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Jeremia 32:39

nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Luka 10:28

Naye ya mu volera, U tivuye bulahi: u kole ndiyo u la va mwoyo.

Varumi 10:5

Kigira Musa a ng'oda, mundu u kola bulungi bwelilaga a la va mwoyo kubwo.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:4

Navutswa mwinye mwa dinya ku Yahova Nyasaye wenyu, lero mu veye mwoyo vosi sa mulala.

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 6:23

naye ya ku twulidza yo, a duka kukwingeridza, a duke kukuha kivala kya yesuhira avaguga vetu.

Kwidzulitsa 8:1

Amalago gosi ga nku lagi lero mu ga gumire kugakola, mu duke kuva mwoyo, nokumedeka, nokwingira, mu gumire kivala kya Yahova yesuhira avaguga venyu.

Kwidzulitsa 8:3

Na a ku kola kwegehidza, ya ku leka nenzala, ya ku lageridza maana, kindu kya wa vula kumanya, kinga vaguga vovo si va ki manya; a duke kukumannya, mundu si a nyala kuva mwoyo nobukima bweng'ine, navutswa ku makuva gosi ga twula mmunwa gwa Yahova mundu a veye mwoyo.