Kwidzulitsa 6:13 - KITABU KITAKATIFU

¹³ U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 6:13 ပူးပေါင်းရင်းမြစ်များ

Litanga 24:3

na inze nda kwisuhidza ku Yahova, Nyasaye womigulu na Nyasaye welirova, u ta vugulira mwana wange mukali ku vakana Vakanani, ava mmenya hagati havo:

2 Avami 17:36

navutswa Yahova, wa mu twulidza mu kivala kya Egepeti netsingulu tsinene, nomukono gwa nyirwa, uyu niye wa mu tia, na mu la sigamira imhiri wewe, nokumuhaanira visyuviriru:

Zaburi 15:4

Mu tsimoni tsitsye mundu mudamano a legannywa, Navutswa yidzominya yavo ava tia Yahova; Uyu yesuha ku lyekolera ubudamano mwene, na si a girunkannya mba;

Zaburi 63:11

Navutswa mwami a la sangala mu Nyasaye: Ku vosi wisuhanga kuye a lidzominya; Kigira minwa gya yava ava vola ububehi gyi la kunikwa.

Kutwula 20:7

U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Isaya 45:23

Inze nzisuhi, inze mwene, likuva li mali kutwula mu munwa gwange mu bulungi, na li la vula kwirana, masigamo gosi ga la sigamwa imbiri wange, tsinimi tsyosi tsi lisuha.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Isaya 65:16

kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Kyavalevi 19:12

Mu tesuha lyobubehi ku lieta lyange, nokwononya lieta lya Nyasaye wowo: inze mbeye Yahova.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Matayo 5:33

Kandi mwa hulira, ga volwa ku va li va kale, U tisuhira ububehi navutswa u la kolera Mwami aga wisuhira:

Luka 4:8

Yesu ya tivula na a mu volera, Ga ng'odwa, U sigamire Mwmi Nyasaye wowo, u mu tumekire yeng'ine.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 13:4

Mu gende kulonda Yahova Nyasaye wenyu, mu mu tie, nokugumira malago gege, nokuhulira mwoyo gwigwe, na mu mu tumekire, nokuhambana naye.

Kwidzulitsa 13:5

Kandi muprofeti uyu, kinga muloti wamaloto, uyu a liitwa, kigira ya vola agobukyamu ku Yahova Nyasaye wenyu, wa mu twulidza mu kivala kya Egepeti, na a mboholola mu inyumba yobutugwa, a duke kumuhinula ku inzira ya Yahova Nyasaye wowo a ku laga kugenda muyo. Ni ndiyo u la twulidza ubudamano bu twule hagati hoho.

Kwidzulitsa 5:11

U ta tala vutswa liela lya Yahova Nyasaye wowo: kigira Yahova si a la vula kulola mahyolo ku uyu u talanga vutswa lieta lilye.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Joshua 2:12

Kunangwa kalunu, mwadza mmugoonya, mu nzisuhire hano imbiri wa Yahova, kigira inze mmali kukolera mwinye bulahi, na mwinve mu la kolera inyumba ya dada wange bulahi, nokumpa kimanyiru kyeligali;

Joshua 23:7

mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo:

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.