Kwidzulitsa 5:33 - KITABU KITAKATIFU

³³ Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 5:33 ပူးပေါင်းရင်းမြစ်များ

1 Avami 3:14

Nu u va nu u genda mu tsinzira tsyange, kugumira miima gyange namalago gange, kuli dada wowo Daudi ya genda, hene yaho nda kola madiku gogo kuva manyingi.

2 Avami 17:37

na miima nelikalaga, namalago nelilaga, lya ya ng'odera mwinye, mu la ga gumira nokugadukidza mihiga nemihiga; mu ta tia avanyasaye vandi mba:

1 Kyetsinyinga 28:8

Kuna ngwa kalunu, imbiri wetsimoni tsya israeli vosi, livugana lya Yahova, kandi mu lihulira lya Nyasaye wetu, mu henze nokwenya amalago gosi ga Yahova Nyasaye wenyu: mu duke kugumira kivala kilahi yiki, nokule kera avana venyu kandi inyima wenyu, ki ve miyandu gyavo mihiga nemihiga.

Zaburi 119:6

Hene yaho nda vula kuva netsisoni, Lwa mbenza amalago gogo gosi.

Zaburi 37:11

Navutswa avahoma va la nyola miyandu gyekivala, Na va la sangala mu bunyingi bwemirembe.

Zaburi 37:22

Kigira yavo ava ya gasidza va la nyola miyandu gyekivala; Navo ava ya laama, va la temwa.

Zaburi 37:29

Avobulungi va la nyola miyandu gyekivala, Nokumenya mu mihiga nemihiga.

Zaburi 37:34

U lindirire Yahova, u gumire inzira yeye, Naye a la ku nenehidza kuduka u nyole miyandu gyekivala: Lwa avadamano va temwa, ive u la lola.

Zaburi 37:9

Kigira ava kola ubudamano va la kalagwa; Navutswa ava lindirira Yahova, va la nyola miyandu gyelirova.

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Tsing'ano 3:1

Mwana wange, u tivirira megidzo gange; Navutswa mwoyo gugwo gu gumire amalago gange:

Jeremia 42:6

Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Ezekieli 20:19

Inze mbeye Yahova Nyasaye wenyu: mu gende mu malago gange, kugumira miima gyange, nokugakola;

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Vafeso 6:3

bu duke kuva bulahi ku ive, kandi u duke kuhindira mu lirova.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 12:25

U ta ga iia mba; ga duke kuva bulahi ku ive, navana vovo inyima wowo, lwa u li kola ga veye malungi imbiri wetsimoni tsya Yahova.

Kwidzulitsa 12:28

U limle makuva yaga gosi ga nku laga, nokugahulira, ga duke kuva bulahi ku ive, noku avana vovo mihiga ne nihiga, lwa u kolanga aga veye rnalahi namalungi mu tsimoni tsya Yahova Nyasaye wowo.

Kwidzulitsa 22:7

ligali u leke linyavuli li tsie, navutswa u nyala kuvugula avana; bu duke kuva bulahi ku ive u kole madiku gogo ga ve manyingi.

Kwidzulitsa 29:8

na kwa vugula kivala kyavo, ni ku ha Varubeni, na Vagadi, nenusu yehiri ya Vamanase, ki ve miyandu.

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 6:1

Henza, yaga nigo namalago, nemiima namakalago, ga Yahova Nyasaye wenyu ya laga kumwegidza, mu duke kugakola mu kivala ha mwambuka kukigumira;

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

Kwidzulitsa 8:1

Amalago gosi ga nku lagi lero mu ga gumire kugakola, mu duke kuva mwoyo, nokumedeka, nokwingira, mu gumire kivala kya Yahova yesuhira avaguga venyu.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.