Kwidzulitsa 5:27 - KITABU KITAKATIFU

²⁷ Wesunde himbi, u hulire gosi ga Yahova Nyasaye wetu a vola: na u ku volere gosi aga Yahova Nyasaye wetu a ku volera; na ku la hulira, nokugakola.

Kwidzulitsa 5:27 ပူးပေါင်းရင်းမြစ်များ

Kutwula 18:20

na u la vegidza megidzo na amalago ga Nyasaye, na ive u la va mannya inzira ya va li genda ku, na miyinzi gya va li kola.

Kutwula 19:8

Na avandu vosi va tivula halala, ni va vola, Gosi ga Yahova a voye ku la ga kola. Na Musa ya volera Yahova amakuva gosi Ba avandu.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Kutwula 20:19

Na va volera Musn, U volerane na kwinye, na ku la ku hulira; navutswa Nyasaye a ta volerana na kwinye mba, gase ku la kudza.

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Jeremia 42:5

Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye.

Jeremia 42:6

Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Kwidzulitsa 5:28

Na Yahova ya hulira mwoyo gwa makuva genyu, lwa mwa volera inze; na Yahova ya mbolera, mbuliye mwoyo gwa makuva gavandu yava, ga va ku volera: va voye bulahi gosi ga va vola.

Vahebraina 12:19

noku mwoyo gwekisiliva, noku mwoyo gwamakuva ogwa yava va hulira va goonya likuva lindi li ta volwa kuvo;

Joshua 24:24

Navandu va volera Joshua, Kwinye ku la tumekira Yahova Nyasaye wetu, na ku la hulira mwoyo gwigwe.