Kwidzulitsa 5:26 - KITABU KITAKATIFU

²⁶ Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Kwidzulitsa 5:26 ပူးပေါင်းရင်းမြစ်များ

Litanga 32:31

Na liuva lya tonga kuye lwa yambuka ha Penueli, naye ya segera kigira ivadzwa yeye.

Litanga 6:12

Kandi Nyasaye ya lola lirova, na, henza, lya li ni lyoneki; kigira vyemibiri vyosi vyononya inzira yavyo ku lirova.

Zaburi 42:2

Mwoyo gwange gu veye nobuluhu ku Nyasaye, ku Nyasaye u veye mwoyo: Nda duka kuloleka imbiri wa Nyasaye inyinga ki?

Zaburi 42:3

Amaliga gange ga li vyokulia vyange ubudiku na mbasu, Lwa va nteva mbasu bei, Nyasaye wowo a veye haliha?

Zaburi 84:2

Mwoyo gwange gu kayirwa, yee, kali gu kudza ku lyenya lihema lya Yahova; Mwoyo gwange na mubiri gwange gu liranga ku Nyasaye weli vamwoyo.

Kutwula 20:22

Kandi Yahova ya volera Musa, U volere avana va Israeli likuva yili, Mwinye avene mu loli kuli inze mbolerani nemwinye kutwula migulu.

Isaya 40:6

Mwoyo gwomulala u volanga, Hanzuka. Kandi wundi ya teva, Mbanzukira ki? U vole, Vyemibiri vyosi vi veye bunyasi, nobulahi bwavyo bwosi bu veye kuli vimuli vyommulimi.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Varumi 3:20

kigira imbiri wewe si ha veye nowomubiri u li volwa a veye nobulungi ku miyinzi gyelilaga; kigira limanya lyobwoni lidzira mu lilaga.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Kwidzulitsa 4:33

Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 5:27

Wesunde himbi, u hulire gosi ga Yahova Nyasaye wetu a vola: na u ku volere gosi aga Yahova Nyasaye wetu a ku volera; na ku la hulira, nokugakola.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

Vakalagi 13:22

Na Manoa ya volera mukali wewe, Ligali kwinye ku la kudza, kigira ku loli Nyasaye.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?