Kwidzulitsa 5:24 - KITABU KITAKATIFU

²⁴ na mwa vola, Henza, Yahova Nyasaye wetu u ku mannyi ubukumi bwibwe nobunene bwibwe, kwinye ku huliye mwoyo gwigwe gu twulanga hagati ho muliru; ku loli lero Nyasaye a volerana nomundu, na a veye mwoyo.

Kwidzulitsa 5:24 ပူးပေါင်းရင်းမြစ်များ

Litanga 32:30

Na Yakobo ya gulika ha zana Penueli: kigira, ya vola, Ndoli Nyasaye moni na moni, na inze mwene ntigaye mwoyo.

Litanga 32:31

Na liuva lya tonga kuye lwa yambuka ha Penueli, naye ya segera kigira ivadzwa yeye.

Kutwula 19:19

Na mwoyo gwekisilivu lwa gwa kira ligali, Musa ya vola makuva, na Nyasaye ya mu tivulira nomwoyo.

Kutwula 20:22

Kandi Yahova ya volera Musa, U volere avana va Israeli likuva yili, Mwinye avene mu loli kuli inze mbolerani nemwinye kutwula migulu.

Kutwula 33:20

Kandi ya vola, Si u nyala kundola mmoni mwange; kigira mundu si a la ndola nokuva mwoyo.

Livalidza 14:14

navo va la volera avandu vekivala yiki: va huliye ive Yahova u veye hagati ha avandu yava; kigira ive Yahova u lolangwa imoni na imoni, na lilesi lilyo li singiranga kuvo, na ive wimiriranga imbiri wavo mu munara gwelilesi mbasu, na mu munara gwomuliru mu budiku.

Kwidzulitsa 32:3

Kigira nda landidza lieta lya Yahova: Mu he Nyasaye wetu ubunene.

Kwidzulitsa 4:33

Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 5:23

Na ga duka, lwa mwa hulira mwoyo gu twuia hagati hekisundi, nekigulu kwaaka muliru, hene yaho mwisunda himbi ku inze, vosi ava veye mitwe gyetsihiri tsyenyu, navakulundu venyu;

Kwidzulitsa 5:25

Kunangwa kalunu ku kudza ndi?Kigira muliru munene yigu gu la ku samba: ni kuva ni ku hulira kandi mwoyo gwa Yahova Nyasaye wetu, ku la kudza.

Vakalagi 13:22

Na Manoa ya volera mukali wewe, Ligali kwinye ku la kudza, kigira ku loli Nyasaye.