Kwidzulitsa 5:14 - KITABU KITAKATIFU

¹⁴ navutswa lidiku lya gatano na gaviri li veye lisabato lya Yahova Nyasaye wowo: kulyo u ta kola miyinzi mba, ive, kinga mwana wowo muyai, kinga mukana, kinga mutugwa wowo muyai, kinga mukana, kinga ing'ombe yoyo, kinga isukiri yoyo, kinga ku mitugu gyigyo gyosi, kinga mugeni wowo u veye mu lidala lilyo; mutugwa wowo muyai nomukana a duke kusosa kuli ive.

Kwidzulitsa 5:14 ပူးပေါင်းရင်းမြစ်များ

Litanga 2:2

Kandi ku lidiku lya gatano na gaviri Nyasaye ya mala miyinzi gya ya li kulomba; na ya sosa ku lidiku lya gatano na gaviri ku miyinzi gyosi gya ya lomba.

Nehemia 13:15

Mu madiku yago mu Yuda nda lola avandu ava duvaganga kyokumina iwaini ku lidiku lyelisa bato, na va letanga viganda vyobusuage, nokudwika tsisukiri tsyavo; kandi iwaini na mazabibu, na ma kuyu, nemisigo gyetsing'ano tsyosi, tsya va leta mu Yerusalemi ku lidiku lyelisabato: na nda lolekidza kuvo mu lidiku yilyo lya va gulidzanga vyokulia.

Nehemia 13:16

Kandi va li ho avandu va Turo ava menya mu, va leta tsisudzi, neviju tsing'ano tsyosi, nokugulidza avana va Yuda, mu Yerusa lemi ku lidiku lyelisabato.

Nehemia 13:21

Hene yaho nda lolekidza kuvo, na nda va volera, Kigira ki mu goni himbi nelidigi? Ni mu kola ndi hali kaviri, nda leta ku mwinye amakono. Kutwula inyinga yeyo si vadza kandi mba ku lidiku lye lisabato.

Nehemia 5:5

Navutswa kalunu mubiri gwetu gu veye kuli mubiri gwavamwavo vetu, navana vetu kuli avana vavo: na, henza, ku viki avana vetu avayai navakana mbutugwa va gwe avatugwa, nava lala ku avakana vetu va mala kuvikwa mbutugwa kutwula inyinga yeyo: kandi si ku veye nekya ku nyala ga ve lugano lundi; kigira avandi vandu va veye nemilimi gyetu, nemi limi gyetu gyamazabibu.

Kutwula 23:12

Madiku gatanona lilala u la kola miyinzi gyigyo, na lidiku lya gatano na gaviri u la kola lisabato; ing'ombe yoyo na isukiri yoyo tsi sose, na mwana wa mukana mutugwa, na mugeni va duke kwelemeridza

Kyavalevi 23:3

Madiku gatano na lilala mu la kola miyinzi: navutswa ku lidiku lya gatano na gaviri, li veye lisabato lyokusosa, li veye livugana litakatifu; mu ta kola mwinzi kali mulala: li veye lisabato ku Yahova mu bumenyo bwenyu bwosi.

Marko 2:27

Na a va volera, Lisabato lya lomberwa avandu, navutswa avandu si va lomberwa lisabato mba:

Luka 23:56

Kandi virana ni va lomba vyafunya mwayu namaguta.

Kwidzulitsa 5:13

Madiku gatano na lilala u yinzire, u kole miyinzi gyigyo gyosi;

Vahebraina 4:4

Kigira ya vola ahandi kuli ndi ku lidiku lya gatano na gaviri, Kandi Nyasaye ku lidiku lya gatano na gaviri ya sosa ku miyinzi gyigye gyosi: