Kwidzulitsa 4:40 - KITABU KITAKATIFU

⁴⁰ Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 4:40 ပူးပေါင်းရင်းမြစ်များ

Zaburi 105:45

Va duke kugumira amalago gege, Nokulonda lilagana lilye. Mwidzominye Yahova.

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Kutwula 23:26

Si ha la va nowononnya livereka, kinga mugumba, mu kivala kikyo; na livalidza lyamadiku gogo nda ga dukidza.

Kohelethu 8:12

Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

Isaya 65:20

Si a la va ho kandi mwana mudoto wa madiku makekeke, kinga musakulu u kikiri kudukidza madiku gege: kigira mwana a la kudza na a veye mihiga mia, nowo bwoni wemihiga mia a la laamwa.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 35:18

Na Jeremia, ya volera venyumba ya Varekabu, Yahova wa mahe Nyasaye wa Israeli, a vola: Kigira mwa hulira lilaga lya guga wenyu Jonadabu, nokuhulira lyeganehidza lilye lyosi, nokukola kuli gosi aga ya mu laga;

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 7:7

hene yaho nda mu mennya hango hano, mu kivala kya nda ha vaguga venyu, kutwula ku madiku ga kale, kuduka mihiga nemihiga.

Kyavalevi 22:31

Kunangwa mu la gumira malago gange kugakola: inze mbeye Yahova.

Livalidza 10:29

Na Musa ya volera Hobabu, mwana wa Reueli Mumidiani, navizala wa Musa, Kwinye ku gendanga kutsia ha Yahova ya vola makuva gaho ndi, Nda mu ha yaho: u tsie halala na kwinye, na ku la ku kolera bulahi; kigira Yahova ya vola bulahi ku Israeli.

Yohana 14:15

Ni mba ni mu yanza inze, mu la gumira malago gange.

Vafeso 6:3

bu duke kuva bulahi ku ive, kandi u duke kuhindira mu lirova.

Kwidzulitsa 11:9

na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 12:25

U ta ga iia mba; ga duke kuva bulahi ku ive, navana vovo inyima wowo, lwa u li kola ga veye malungi imbiri wetsimoni tsya Yahova.

Kwidzulitsa 12:28

U limle makuva yaga gosi ga nku laga, nokugahulira, ga duke kuva bulahi ku ive, noku avana vovo mihiga ne nihiga, lwa u kolanga aga veye rnalahi namalungi mu tsimoni tsya Yahova Nyasaye wowo.

Kwidzulitsa 22:7

ligali u leke linyavuli li tsie, navutswa u nyala kuvugula avana; bu duke kuva bulahi ku ive u kole madiku gogo ga ve manyingi.

Kwidzulitsa 25:15

U ve nekyokugera tsiratili ki dukanu; nekigero ki dukanu: madiku gogo ga duke kuva manyingi mu kivala kya Yahova Nyasaye wowo a ku ha.

Kwidzulitsa 32:47

Kigira si ga veye amakuva ga vutswa ku mwinye; kigira ga veye livamwoyo lyenyu, noku inkuva yiyi ma madiku genyu mu la ga kola manyingi ku kivala, kya mwambukanga Yordani kukigumira.

Kwidzulitsa 33:25

Vilatu vivyo vi veye kivya nomugasa; Na kuli madiku gogo tsingulu tsitsyo tsi la va ndiyo.

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:2

Ku makuva ga mmu laganga mu vule kumeda ku, kinga kugehidza ku, mu duke kugumira malago ga Yahova Nyasaye wenyu aga inze nda mu laga.

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Kwidzulitsa 4:6

Kunangwa mu ga gumire nokugakola; kigira yaga ga la va ubugeeri bwenyu nelimanya lyenyu mu tsimoni tsyavandu, va hulira malago yago gosi, va la vola, Ligali ihiri inene yiyi va veye avandu vobugeeri nelimanya.

Kwidzulitsa 5:10

na mbeye netsimbabasi ku tsielfu tsya yavo ava nyanzanga ava gumiranga amalago gange.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:18

Na u kole aga veye malungi namalahi mmoni mwa Yahova; bu duke kuva bulahi ku ive, na u duke kwingira nokugumira kivala kilahi kya Yahova yesuhira vaguga vovo,

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.