Kwidzulitsa 4:38 - KITABU KITAKATIFU

³⁸ nokukunga tsihiri imbiri wowo tsinene netsyetsingulu kuvita ive, kukwingiridza, kukuha kivala kyavo ki ve miyandu, kuli u veye lidiku yili lya lero.

Kwidzulitsa 4:38 ပူးပေါင်းရင်းမြစ်များ

2 Kyetsinyinga 20:11

henza, va ku tunganga ndi, kukukunga ku miyandu gyigyo, gya wa ku ha kugyinyola.

2 Kyetsinyinga 20:7

Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

Livalidza 32:4

kivala kya Yahova ya kuya imbiri welivugana lya Israeli, ki veye kivala kilahi kyemitugu; na avatumekiri vovo va veye nemitugu.

Livalidza 34:14

kigira ihiri ya avana va Rubeni kuli tsinyumba tsya vaguga vavo, na ihiri ya avana va Gadi kuli tsinyumba tsya vaguga vavo va nyoye, na inusu yehiri ya Manase va nyoye miyandu gyavo:

Livalidza 34:15

tsihiri tsiviri na inusu yehiri va nyoye miyandu gyavo engereka wa Yordani, ha Yeriko, ivugwe, ku luvega lwelitwula lyeliuva.

Kwidzulitsa 11:23

hene yaho Yahova a la kunga tsihiri yitsi tsyosi imbiri wenyu, na mwinye mu la gumira tsihiri tsinene netsyetsingulu kuvita mwinye.

Kwidzulitsa 2:31

Na Yahova ya mbolera, Henza, nda tanga kuvika Sihon nekivala kikye havulavu imbiri wowo: na u tange kukigumira, u duke kunyola kivala kikye ki ve miyandu gyigyo.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Kwidzulitsa 8:18

Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.