Kwidzulitsa 4:36 - KITABU KITAKATIFU

³⁶ Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Kwidzulitsa 4:36 ပူးပေါင်းရင်းမြစ်များ

Nehemia 9:13

Kandi wika ku kigulu kya Sinai, na wa volerana navo nomwoyo gwa twula migulu, na wa va ha miima gyobulungi namalago geli gali, namalago malahi, nelilagana,

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Kutwula 19:19

Na mwoyo gwekisilivu lwa gwa kira ligali, Musa ya vola makuva, na Nyasaye ya mu tivulira nomwoyo.

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 24:16

Na ubukumi bwa Yahova bwikala ku kigulu kya Sinai, na lilesi lya ki kinga madiku gatano na lilala: na lidiku lya gatano na gaviri ya langa Musa nomwoyo gwa twula mu lilesi.

Kwidzulitsa 4:12

Na Yahova ya volera mwinye nomuoyo gwa twula hagati ho muliru: mwa hulira mwoyo gwa makuva, navutswa si mwa lola lifwana: mua hulira mwoyo gweng'ine.

Kwidzulitsa 4:15

Kunangwa mwelinde ligali; kigira si mwa lola lifwana lidiku lya Yahova y a volera mwinye ha Horebu nomiroyo gwa twula hagati ho muliru;

Kwidzulitsa 4:33

Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 8:5

Kandi u manye mmwoyo gugwo, kuli umundu a hedzanga mwana wewe amageli, ni ndiyo Yahova Nyasaye wowo a ku hedzanga.

Vahebraina 12:18

Kigira si mu duki ku kigulu kyokudirwa, kyaaka muliru, noku lilesi limwamu, noku kisundi, noku kihudzudzi,

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu: