Kwidzulitsa 4:33 - KITABU KITAKATIFU

³³ Madiku gosi ha ve ho navandu ava hulira mwoyo gwa Nyasaye a volanga hagati homuliru, kuli ive wa hulira, nokuvula kukudza?

Kwidzulitsa 4:33 ပူးပေါင်းရင်းမြစ်များ

Kutwula 20:22

Kandi Yahova ya volera Musa, U volere avana va Israeli likuva yili, Mwinye avene mu loli kuli inze mbolerani nemwinye kutwula migulu.

Kutwula 24:11

Kandi si ya vika mukono gwigwe ku avanene va avana va Israeli: navo va lola Nyasaye, ni va lia nokunwa.

Kutwula 33:20

Kandi ya vola, Si u nyala kundola mmoni mwange; kigira mundu si a la ndola nokuva mwoyo.

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

Kwidzulitsa 5:22

Makuva yaga Yahova ya volera livugana lyenyu lyosi mu kigulu, nomwoyo munene kutwula hagati ho muliru, nelilesi, nekisundi kinene: na si ya meda ku mba. Naye ya ga ng'oda ku vibao viviri vya magina, na ya mpa.

Kwidzulitsa 5:24

na mwa vola, Henza, Yahova Nyasaye wetu u ku mannyi ubukumi bwibwe nobunene bwibwe, kwinye ku huliye mwoyo gwigwe gu twulanga hagati ho muliru; ku loli lero Nyasaye a volerana nomundu, na a veye mwoyo.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Kwidzulitsa 5:4

Yahova ya volerana na mwinye moni namoni ha kigulu nomwoyo gwa twula hagati ho muliru

Kwidzulitsa 9:10

Na Yahova ya mpa vibao viviri vyamagina vya ng'o dwa nekidete kya Nyasaye; na kuvyo ga ng'odwa kuli makuva gosi ga Yahova ya volerana nemwinye mu kigulu kutwula hagati ho muliru ku lidiku lyelivugana.

Vakalagi 6:22

Na Gideoni ya lola uyu a veye ingelosi wa Yahova; Gideoni ya vola, Bayaye O Yahova Nyasaye kigira ndoli ingelosi wa Yahova moni namoni.