Kwidzulitsa 4:29 - KITABU KITAKATIFU

²⁹ Navutswa kutwula ha zana u lenya Yahova, Nyasaye wowo, u la mu nyola, inyinga u mwenya nomwoyo gugwo gwosi na roho gugwo gwosi.

Kwidzulitsa 4:29 ပူးပေါင်းရင်းမြစ်များ

2 Avami 10:31

Navutswa Jehu si yelinda kuduka kugenda mu lilaga lya Yahova, Nyasaye wa Israeli, nomwoyo gwigwe gwosi mba: si yavukana ku bwoni bwa Jeroboam, bwa ya gotidzera ku Israeli.

2 Avami 23:3

Na mwami ya singira himbi netiru, na ya kola lilagana imbiri wa Yahova, kulonda Yahova, nokugumira malago gege, nelilolekidza lilye, nemegidzo gege nomwoyo gwosi, na roho gwosi, nokudinyeridza makuva gelilagana yili lya ng'odwa mu kitabu yiki: navandu vosi va singerira lilagana yilyo.

2 Kyetsinyinga 15:12

Na vingira mu lilagana kwenya Yahova, Nyasaye wa vaguga vavo, nemyoyo gyavo gyosi na roho gyavo gosi;

2 Kyetsinyinga 15:15

Na vosi mu Yuda va sangala ku lyesuha, kigira visuha nemyoyo gyavo gyosi, ni va mwenya nobuyanzi bwavo bwosi; na ya nyoleka kuvo: na Yahova ya va sosidza tsimbega tsyosi.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 15:4

navutswa lwa va li mu kivi va yeka ku Yahova, Nyasaye wa Israeli, nokumwenya, ya loleka kuvo.

2 Kyetsinyinga 31:21

Noku miyinzi gyosi gya ya vika ku mukono gwigwe mbutumiki bwenyumba ya Nyasaye, nomu lilaga, nomu amalago, kwenya Nyasaye wewe, ya kola nomwoyo gwigwe gwosi, na a gasidzwa.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Nehemia 9:27

Kigira yaga wa va vika mmakono gavasigu vavo, ava va vika ku kivi: na inyinga yelinyankana lyavo, lwa vanira ive, wa va hulira mwigulu; na kuli tsimbabasi tsitsyo tsi veye tsinene ligali, wa va ha avahonnyi va va honnya ku makono ga vasigu vavo.

Zaburi 119:10

Nkwenyi nomwoyo gwange gwosi: U ta ndeka ngendagende ihale ku malago gogo.

Zaburi 119:145

Nzaniye ive nomwoyo gwange gwosi; u ntivulire, O Yahova: Nda gumira amalago gogo.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 119:58

Nsalanga tsimbabasi tsitsyo nomwoyo gwange gwosi: U mbere tsimbabasi kuli likuva lilyo.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 51:50

Mwinye ava honi ku kivavi, mu tsie, mu ta singira mba; mwidzulitse Yahova kutwule ihale, na Yerusalemi lingire mu tsiganagani tsyenyu.

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Amosi 5:4

Kigira Yahova ya volera inyumba ya Israeli ndi, Mwenya inze, na mu la va mwoyo;

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 26:16

Lero ndi Yahova Nyasaye wowo a ku lage kukola amalago yaga, nemiima gyigye; kunangwa u ga gumire nokugakola nomwoyo gugwo gwosi, naroho gugwo gwosi.

Kwidzulitsa 30:10

nu u va nu u londa omwoyo gwa Yahova Nyasaye wowo, nokugumira malago gege, nemiima gyigye gya ng'odwa mkitabu yiki kyelilaga; nu u va nu u yeka ku Yahova Nyasaye wowo nomwoyo gugwo gwosi, na roho gugwo gwosi.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.