Kwidzulitsa 4:28 - KITABU KITAKATIFU

²⁸ Na ha zana mu la tumekira avanyasaye vandi, miyinzi gya makono gavandu, misala namagina, a va vula kulola, kinga kuhulira, kinga kulia, kinga kufunyeridza.

Kwidzulitsa 4:28 ပူးပေါင်းရင်းမြစ်များ

2 Avami 17:40

Navutswa si va hulira mba, va kola kuli miima gyavo gyoku matsyambiri.

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Isaya 44:11

Henza, avakye vosi va la va isoni; navasidza vavo va veye avandu: va vungidzwe halala vosi, va singire; va la tia, va la va isoni halala.

Isaya 44:12

Umusidza a tuula imbadzi, nokutumika mu amanda, nokugilomba netsinyundu, nokugikolera miyinzi nomukono gwigwe gu veye netsi ngulu: yee, na a lola inzala, netsingulu tsitsye tsi geha; si a nwa madzi, na a kudza mwoyo.

Isaya 44:9

Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Isaya 46:7

Va mu gingira kwivega, va genda naye, nokumusingeridza ha bugono hehe, naye a singira; si a nyala kutwula mbugono bwibwe: yee, kali mulala a lanira kuye, naye si a nyala kumutivulira, kandi si a nyala kumuhonnya ku kivi kikye.

Jeremia 10:3

Kigira miima gyavandu ni gya vutswa: kigira mu lala a tema musala mu mulitu, gyi veye miyinzi gyamakono gomusidza nembadzi.

Jeremia 10:5

Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

Jeremia 10:9

Ifetha i veye ho ya duywa kuva tsimbabale tsi letwa kutwula Tarshishi, nethahabu i twulanga Ufazu, miyinzi gyomusidza na gyamakono gomutuuli wethahabu tsingubo tsyavyo tsi veye blue nekiforasadi; vyosi vi veye miyinzi gya vasidza.

Jeremia 16:13

kunangwa kigira yaga inze nda mu ta kyova mu twule mu kivala yiki mwingire mu kivala kya mu ta manya, mwinye kinga vaguga venyu; na ha zana mu la tumekira avanyasaye vandi mbasu nobudiku; kigira inze si nda mu vererera.

Ezekieli 20:32

na yaga gingiranga mu tsiganagani tsyenyu si ga la va ho mba, mu ga mu volanga Kwinye ku la va kuli tsihiri, kuii ubwiko bwevivala, kutumekira musala neligina.

Ezekieli 20:39

Ku makuva genyu, mwinye avenyumba ya Israeli, Mwami Nyasaye a vola: Mu tsie, sa mulala a tumekire vifwananyi vivye, nenyinga yenyima, ni mu vula kwenya kuhulira inze; navutswa lieta lyange litakatifu si mu la lyononnya kandi nevindu vyenyu vya mu haananga, nevifwananyi vyenyu.

Vikolwa 19:26

Mu lola kandi mu hulira si ha li hano mu Efeso mweng'ine navutswa kuduka mu Asia mwosi, Paulo uyu ya goonya na a girunka nnya avandu vanyingi, a vola ava lombwa namakono si va li avanya saye mba.

Vikolwa 7:42

Navutswa Nyasaye ya girunkana na a va leka va tumekire lihe lyomigulu; kuli ga ng'odwa mu kitabu kyavaprofeti Mwa ndetera tsinyama tsinziite netsisadaka Imihiga makumi gane mu kyangalangwi, mwinye venyumba ya Israeli?

Kwidzulitsa 28:36

Yahova a la ku hila, nomwami wowo wa u li vika igulu ku ive, ku ihiri ya u ta manya, ive kinga vaguga vovo; na u la tumekira vanyasaye vandi, avemisala namagina.

Kwidzulitsa 28:64

Na Yahova a la mu salanya hagati he tsihiri tsyosi, kutwula ku luvega yilu lwelirova kuduka ku luvega yilu lwelirova; na u la tumekira avanya saye vandi ha zana, ava u ta manya, ive kinga avaguga vovo, navo va veye misala namagina.

Kwidzulitsa 29:17

na mwa lola livihiriridza lyavo, nekifwananyi kyavo, misala namagina, if etha nethahabu, vya li kuvo);

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda:

1 Samweli 26:19

Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.