Kwidzulitsa 4:26 - KITABU KITAKATIFU

²⁶ nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.

Kwidzulitsa 4:26 ပူးပေါင်းရင်းမြစ်များ

Litanga 19:13

kigira ku ia li dividza, kigira lilira lyavo li gwiye linene imbiri wa Yahova, na Yahova u ku tumi kulidividza.

1 Avami 9:7

hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Jeremia 16:13

kunangwa kigira yaga inze nda mu ta kyova mu twule mu kivala yiki mwingire mu kivala kya mu ta manya, mwinye kinga vaguga venyu; na ha zana mu la tumekira avanyasaye vandi mbasu nobudiku; kigira inze si nda mu vererera.

Jeremia 2:12

Mwinye ligulu, mu genye, kigira inkuva yiyi, mu ve nobutii ubunyingi, mu ve hatswa ligali, Yahova a vola.

Jeremia 22:29

O lirova, lirova, lirova, hulira likuva lya Yahova.

Jeremia 32:24

Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Ezekieli 33:28

Na nda kola kivala kuva hatswa na kyokugenya; nobwegingiri bwobunyali bwibwe bu la hera; nevigulu vya Israeli vi la va hatswa, kuduka mundu ku vosi a vule kuvita hagati hakyo.

Ezekieli 36:4

kigira yaga, mwinye vigulu vya Israeli, mu hulire likuva lya Mwami Nyasaye: Mwami Nyasaye a volera vigulu na tugulu, na migerera gyamadzi na mavona, na ha lekwa hatswa ahere, noku madala aga avandu va leka, aga gwiye vilanye na lilegwa kuva tigala vetsihiri ava kumbiridza tsimbega tsyosi:

Kyavalevi 18:28

kivala ki vule kuluka mwinye kandi, lwa mu kvononya, kuli kya hlka ihiri ya li imbiri wenyu.

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Mika 6:2

Mu hulire mwinye vigulu, lihing'ana lya Yahova, na mwinye mise gyelirova gyi hindiranga; kigira Yahova a veye nelihing'ana na avandu veve, nelivanza ku Israeli.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 11:17

nobutima bwa Yahova bu laaka ku mwinye, na a la boha ligulu, ha vule kuva nembula nekivala ki vula kwama makuyu, na mu la diva bwangu nokutwula ku kivala kilahi kya Yahova ya mu ha.

Kwidzulitsa 28:20

Yahova a la leta ku ive vilaamo, nekivi, nelihebwa mageli, mu vyosi vya u vika ku mukono gugwo kukola, u luhe u dive, nokugota bwangu; kigira ubudamano bwelikola lilyo, lyagira ni u ndeka.

Kwidzulitsa 28:22

Yahova a la ku duya namagero, noluhudza, nokuhiya, noluya, nekivavi, neliniala, nobuguku; navyo vi la kukunga u luhe u dive.

Kwidzulitsa 28:45

Nevilaamo yivi vyosi vi la duka ku ive, na vi la ku londa, nokukunyola, u luhe u dividzwe; kigira si wa hulira mwoyo gwa Yahova Nyasaye wowo, nokugumira malago gege nemiima gyigye gya ya ku laga:

Kwidzulitsa 28:61

Kandi ubulwaye bwosi, namaduya gosi, aga ta ng'odwa mu kitabu kyelilaga yili, Yahova a la bu vika ku ive, kuduka u luhe u dive.

Kwidzulitsa 29:28

na Yahova ya viiha mu kivala kyavo nelivihirirwa, nobutima nobululu bunene, na a va ta mu kivala kindi, kuli ndi lero.

Kwidzulitsa 31:28

Mu mbuganyiri avakulundu vosi vetsihiri tsyenyu, na vanyampara vyenyu, nduke kuvola amakuva yaga mmatu gavo, nokuvalolekidzira ligulu nekivala kuvo.

Kwidzulitsa 32:1

Mu tegidze amatu, mwinve ligulu, na nda vola; Nelirova li huliridze amakuva gomunwa gwange.

Kwidzulitsa 7:4

Kigira a la girunkanya mwana wowo muyai a vule kunonda, va luhe va tumekire avanyasaye vandi: hene yaho ubutima bwa Yahova bu laaka ku mwinye, na a la kwononya bwangu.

Kwidzulitsa 8:19

Navutswa ga la va, nu wivirira Yahova Nyasaye wowo, nokulonda avanyasaye vandi, nokuvatumekira, nokuvasigamira, ndolekidza ku mwinye lero, mu la diva ligali.

Kwidzulitsa 8:20

Kuli avetsihiri va Yahova ya dividza imbiri wenyu, na ndiyo mwinye mu la diva; kigira si mwa hulira mwoyo gwa Yahova Nyasaye wenyu.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Joshua 24:20

Ni mu va ni mu leka Yahova, nokutumekira avanyasaye avageni, hene yaho a la girunkana nokumukolera budamano, nokumudividza, inyima wa ya mu kolera ubulahi.