Kwidzulitsa 4:25 - KITABU KITAKATIFU

²⁵ Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 4:25 ပူးပေါင်းရင်းမြစ်များ

2 Avami 21:2

Na ya kola ubudamano imbiri wa Yahova, kuli kivihiri kyetsihiri tsya Yahova ya kunga kutwula imbiri wavana va Israeli.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Kutwula 20:4

U telombera kifwananyi kya vadzwa mba, kali kifwananyi kyekindu kyegulu, kinga kyomu lirova hasi, kinga kyomu amadzi isi welirova:

Kutwula 32:7

Na Yahova ya volera Musa, Tsia, wike hasi; kigira avandu vovo, ava wemira kuvatwulidza mu kivala kya Egepeti, va mali kweyononya:

Ezekieli 8:10

Ma ndingira ni nki lola; henza, tsing'ano tsyosi tsyevimolanga, na tsyetsinyama tsyokuvihiriridza, na vifwananyi vyosi vyenyumba ya Israeli, vya kupwa ku lidigi hosi.

Hosea 9:17

Nya saye wange a la va ta, kigira si va mu hulira; navo va la va avokugendagenda mu tsihiri.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 16:22

Kinga u ta singeridza munara; gwa Yahova Nyasaye wowo a dunyiranga.

Kwidzulitsa 27:15

A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 28:45

Nevilaamo yivi vyosi vi la duka ku ive, na vi la ku londa, nokukunyola, u luhe u dividzwe; kigira si wa hulira mwoyo gwa Yahova Nyasaye wowo, nokugumira malago gege nemiima gyigye gya ya ku laga:

Kwidzulitsa 28:61

Kandi ubulwaye bwosi, namaduya gosi, aga ta ng'odwa mu kitabu kyelilaga yili, Yahova a la bu vika ku ive, kuduka u luhe u dive.

Kwidzulitsa 30:18

ng'ambanga ku mwinye lero ndi, ligali mwinye mu la diva; si mu nyala kumenya madiku manyingi mu kivala, kya wambukanga Yordani wingire ku kigumira.

Kwidzulitsa 30:19

Nanganga ligulu nelirova kulolekidza ku mwinye lero kuli mbikiye imbiri wa ive livamwoyo nelikudza, ubugasu nevilaamo: kunangwa u tovole livamwoyo, u duke kuva mwoyo, ive navana vovo;

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Kwidzulitsa 32:5

Veyononyi, si va veye avana veve, imbala i veye yavo; Va veye likula lidamano lyobukyamu.

Kwidzulitsa 4:16

gase mu lyeyononya, nokwelombera vifwananyi vya vadzwa, nelifwana neligondo ku gosi, ku lifwana lyoweliisatsa kinga lyowekikali,

Kwidzulitsa 4:23

Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Joshua 24:20

Ni mu va ni mu leka Yahova, nokutumekira avanyasaye avageni, hene yaho a la girunkana nokumukolera budamano, nokumudividza, inyima wa ya mu kolera ubulahi.