Kwidzulitsa 4:24 - KITABU KITAKATIFU

²⁴ Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 4:24 ပူးပေါင်းရင်းမြစ်များ

2 Avami 24:20

Kigira ubutima bwa Yahova vindu yivi vya duka ku Yerusalemi na Yuda, kuduka lwa ya va ta vosi va twule imbiri wewe ligali.

Zaburi 21:9

U la va kola kuli kisambiru kyomuliru inyinga yobutima bu bwo: Yahova a la va mira mu butima bwibwe Na muliru gu la va lia.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Kutwula 15:7

Kandi mu bunene bwobulahi bubwo wagululanga ava singira kuvukira ive: U letanga ubutima bubwo, nabwo bu va sambanga kuli uluvuva.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Kutwula 33:3

kuduka mu kivala ki gangalukanga amaveere na ubwuki: kigira inze si ndanegira hagati henyu; kigira mu veye avandu ava magoti madinyu; gase nda mu dividza ku inzira.

Kutwula 34:14

(kigira u la vula kusigamira munyasaye wundi: kigira Yahova, welieta lilye li veye Wokukendeka, a veye Nyasaye wobukendeki);

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 30:27

Henza, lieta lya Yahova li twula ihale, li sambanga nobutima bwibwe, nomu mwoki munene gu vuyanga igulu: minwa gyigye gyizuye ubutima, nolulimi lwilwe lu veye kuli muliru gu sambanga:

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Livalidza 25:11

Finehasi, mwana wa Eleazaru, mwana wa Haruni musalisi, u girunkanyi ubutima bwange bu twulidzwe ku avana va Israeli, kigira ya kendekidzwa nelikendeka lyange hagati havo, kuduka inze mbule kudividza avana va Israeli mu likendeka lyange.

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.

Kwidzulitsa 5:9

u ta vi sigarnira mba, kinga u ta vi tumekira mba; kigira inze Yahova, Nyasaye wowo, mbeye Nyasaye welikendeka, mbikanga ku avana, budamano bwavadada vavo, kuduka ku likula li kola gavaka kinga gane lya yavo ava ndunyira;

Kwidzulitsa 6:15

kigira Yahova Nyasaye wowo u veye hagati hoho, a veye Nyasaye we likendeka; gase ubutima bwa Yahova Nyasaye wowo bu laaka ku ive, na a la kwononya kukutwulidza mu lirova.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Vahebraina 12:29

kigira Nyasaye wetu a veye muliru gu sambanga.