Kwidzulitsa 4:23 - KITABU KITAKATIFU

²³ Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Kwidzulitsa 4:23 ပူးပေါင်းရင်းမြစ်များ

2 Avami 17:38

nelilagana lya nda kola halala nemwinye mu tivirira mba; kandi mu ta tia vanyasaye vandi mba:

1 Kyetsinyinga 16:15

Mwidzulitse lilagana lilye mihiga nemihiga, Likuva lya ya laga ku visuku lulwi elfu,

Kutwula 23:13

kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Ezekieli 16:59

Kigira Mwami Nyasaye a vola ndi: Nda ku kolera kuli wa kola, wa lega lyesuha ku lyononnya lilagana.

Ezekieli 8:10

Ma ndingira ni nki lola; henza, tsing'ano tsyosi tsyevimolanga, na tsyetsinyama tsyokuvihiriridza, na vifwananyi vyosi vyenyumba ya Israeli, vya kupwa ku lidigi hosi.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Matayo 24:4

Yesu ya tivula na a va volera, Mu gelihe avandu kali mulala va ta mu gotidza.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Luka 21:8

Ya vola, Mu gelihe, mu ta gadwa: kigira vanyingi va ladza mu lieta lyange, ni va vola, Inze niye; kandi inyinga i veye himbi: mu ta va londa.

Kwidzulitsa 16:22

Kinga u ta singeridza munara; gwa Yahova Nyasaye wowo a dunyiranga.

Kwidzulitsa 27:15

A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 27:9

Musa navasalisi Valevi va volera Israeli vosi, ni va vola, U kiring'ane u hulire, O Israeli: Lero u gwiye avandu va Yahova Nyasaye wowo.

Kwidzulitsa 29:25

Hene yaho avandu va la vola Ga veye kigira va leka lilagana lya Yahova, Nyasaye wavaguga vavo, lya ya kola navo lwa ya va twulidza mu kivala kya Egepeti,

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 5:2

Yahova Nyasaye wetu ya lomba lilagana nekwinye ha Horebu.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Joshua 23:11

Kunangwa mwelinde bulahi avene, mu duke kuyanza Yahova Nyasaye wenyu.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.