Kwidzulitsa 4:20 - KITABU KITAKATIFU

²⁰ Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 4:20 ပူးပေါင်းရင်းမြစ်များ

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Zaburi 28:9

U honnye avandu vovo, na u gasidze miyandu gyigyo: Kandi u ve mwayi wavo, na u va ginge kazozo.

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Kutwula 1:13

Kunangwa Avaegepeti va tuga avana va Israeli ubutugwa ubudinyu:

Kutwula 1:14

na va kola liva lyavo bululu ku butugwa butinyu, ku miyinzi gyobudohi na gyamatafali, na gyemilimi ku tsing'ano tsyosi, ubutugwa bwavo bwosi, yibwo bwa va va tugwa mu nobutugwa budinyu ligali.

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 48:10

Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Danyeli 3:26

Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

Kwidzulitsa 9:26

Na nda saala Yahova, ni mbola, O Yahova Nyasaye, u ta dividza avandu vovo, miyandu gyigyo, ava wa boholola nobunene bubwo, ava wa twulidza Egepeti nomukono gwetsingulu.

Kwidzulitsa 9:29

Halala na yaga va veye ihiri yoyo, miyandu gyigyo, ava wa twulidza netsingulu tsitsyo tsinene nomukono gugwo gwa nyirika.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: