Kwidzulitsa 4:10 - KITABU KITAKATIFU

¹⁰ ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Kwidzulitsa 4:10 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Zaburi 145:4

Likula lilala li lidzominya miyinzi gyigyo ku lindi, Nokulandidza likola lilyo lyetsingulu

Kutwula 19:1

Mu mweli gwa kola gyivaka inyima welitwula lya avana va Israeli mu kivala kya Egepeti, ku lidiku zana va duka mwigendanyama lya Sinai.

Kutwula 19:11

na vetegeke ku lidiku li kola gavaka; kigira lidiku li kola gavaka Yahova a liika, yadze ku kigulu kya Sinai imbiri wetsimoni tsya avandu vosi.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Kutwula 19:9

Na Yahova ya volera Musa, Henza, nzidzanga ku ive mu lilesi liliduhu, avandu va duke kuhulira lwa mbolerana na ive, kandi va duke kukusuuvira kazozo. Na Musa ya volera Yahova makuva ga vandu.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Isaya 38:19

Welivamwoyo, welivamwoyo a la kwidzominya, kuli nkolanga lero: Avadada va legidza avana geligali gogo.

Luka 1:50

Kandi tsimbabasi tsyitsye tsi vedzanga ku makula namakula Kuvo ava mu tia

Kwidzulitsa 11:19

Na mu legidza avana venyu makuva, ku ga vola, lwa wikalanga mu inyumba yoyo, na lwa u gendanga ku inzira, na lwa u gonanga, na lwa u vukanga.

Kwidzulitsa 12:1

Yigyi ni miima na makalzgo ga mu la linda kugakola mu kivala kya Yahova, Nyasaye wavaguga vovo, a ku ha kukigumira, madiku gosi ga mu va mwoyo ku lirova.

Kwidzulitsa 14:23

Na u lie imbiri wa Yahova Nyasaye wowo, ha a li tovola, lieta lilye li menya ho, izaka yobuswage bubwo, newaini yoyo, na maguta gogo, nevyokutanga kwivulwa vyekyayo kikyo, tsing'ombe na magondi; u duke kweyegidza kutia Yahova Nyasaye wowo kazozo.

Kwidzulitsa 17:19

a ve nakyo, a some mukyo madiku gosi aga a veye mwoyo; a duke kweyegidza kutia Yahova Nyasaye wewe, a gumire makuva gosi gelilaga yili na miima yigyi, kugyikola

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 5:2

Yahova Nyasaye wetu ya lomba lilagana nekwinye ha Horebu.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 6:7

na u legidza avana vovo kugo nobugulu, mu la volerana kugo lwa wikala mu inyumba yoyo, na lwa u gendanga ku inzira, na lwa u gonanga, na lwa u vukanga.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Likunula 19:5

Kandi mwoyo gwa twula ku intebe, ni gu vola, Mwidzominye Nyasaye wetu, mwinye avatugwa veve vosi, na mwinye ava mu tidzanga, avakekeke navanene.

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.