Kwidzulitsa 33:9 - KITABU KITAKATIFU

⁹ Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.

Kwidzulitsa 33:9 ပူးပေါင်းရင်းမြစ်များ

Litanga 29:32

Na Leah ya vereka, na yivula mwana muyai, na a mu gulika Rubeni: kigira ya vola, Yahova u loli ubunyankani bwange; kigira kalunu musatsa wange a la nyanza.

1 Kyetsinyinga 17:17

Inkuva yiyi ya li inkekeke mu tsimoni tsitsyo, O Nyasaye; navutswa u mali kuvola amakuva genyumba yomutumekiri wowo kali kuduka ku madiku gembiri ligali, na u mali kulola inze kuli liva lyomundu wobunene ligali, O Yahova Nyasaye.

Ayubu 37:24

Kigira yaga avandu va mu tidzanga: Si a henzanga avobugeeri mu myoyo.

Zaburi 119:57

Yahova a veye kidieli kyange: Mboye nda gumira makuva gogo

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Kyavalevi 10:6

Na Musa ya volera Haruni na Eleazaru, na Ithamaru, avana veve, Mu ta kunula mitwe gyenyu, na mu ta tandula tsingubo tsyenyu; mu vule kukudza, gase ubutima bu la duka ku livugana lyosi: navutswa avamwavo venyu, inyumba yosi ya Israeli, va syome lisamba lya Yahova ya fwana.

Kyavalevi 21:11

na a la vula kwingira ha mukudzu gu veye ho, kinga kweyononya ku dada wewe, kinga ku mama wewe;

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Matayo 12:48

Navutswa ya tivula na a volera uyu wa mbolera Mama wange ni bwaha? Navamitu vange ni bwaha?

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Luka 14:26

Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

2 Vakorintho 5:16

Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

1 Vatesalonike 2:4

navutswa kuli wa Nyasaye ya ku bugirira ku kolwe avalindi vevangeli, ku vola ndiyo; si ku vola kuyanzidza avandu, navutswa Nyasaye u geridzanga myoyo gyetu.

1 Timoteo 5:21

Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.