Kwidzulitsa 33:3 - KITABU KITAKATIFU

³ Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

Kwidzulitsa 33:3 ပူးပေါင်းရင်းမြစ်များ

Zaburi 31:15

Tsinyinga tsyange tsi veye mmukono gugwo: U mbonnye mmukono gwa vasigu vange, na mmukono gwa yavo ava dambidzanga.

Zaburi 47:4

A ku tovolera miyandu gyetu, Ubukumi bwa Yakobo wa ya yanza. [Selaha

Zaburi 50:5

Mu vungidze halala avatakatitu vange ku inze, Yavo ava lagana ninze ku kihaanwa.

Tsing'ano 2:1

Mwana wange, nu u va nu u bugirira amakuva gange, Nokuvika amalago gange halala na ive;

Kohelethu 9:1

Mu yaga gosi nda vika mwoyo gwange kuhenzeridza yaga gosi: avobulungi, avobugeeri, na likola lyavo, vi veye mu makono ga Nyasaye; ni li veye liyanza, naho lidunya, mundu si a manya; yaga gosi ga veye imbiri wavo.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 31:3

Yahova ya loleka ku inze ku matsyambiri, ni ya mbolera, Yee, nku yanzi nobuyanzi bwemihiga nemihiga: kigira yaga mali kukukwesa netsimbabasi tsyo ubuyanzi bwange.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Hosea 11:1

Lwa Israeli ya li mwana, nda mu yanza, na nda langa mwana wange kutwula Egepeti.

Malaki 1:2

Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

Matayo 23:2

na a vola, Avang'odi na Vafarisayo vikala ku kisako kya Musa:

Luka 10:39

Kandi ya li namwavo wa langwa Maria ya li ni yikaye ha virenge vyo Mwami, na a hulira likuva lilye.

Luka 2:46

Kandi inyima wamadiku gavaka va mu nyola mu litempeli, ni yikaye hagati havegidzi, na a va huliridza na a va teva mateva.

Luka 8:35

Va twula ni va tsia kulola vya kolwa; ni va duka ku Yesu, ni va lola mundu wamademone ga twula kuye, ni yiviki tsingubo, kandi a veye nobugeeri bwibwe, ni yikaye ha virenge vya Yesu: ni va tia.

Vikolwa 22:3

Inze mbeye Muyuda, ndivulwa mu Tariso lya Kilikia, navutswa nda virukira mu lidala yili, ni nzegidzwa ha virenge vya Gamalieli, mu miima gyeligali gyavaguga vetu, nda li nobugulu muno ku Nyasaye, kuli mwinye vosi lero.

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

Kwidzulitsa 6:1

Henza, yaga nigo namalago, nemiima namakalago, ga Yahova Nyasaye wenyu ya laga kumwegidza, mu duke kugakola mu kivala ha mwambuka kukigumira;

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Yohana 4:19

Kwinye ku yanza kigira ya tanga kukuyanza.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.