Kwidzulitsa 33:29 - KITABU KITAKATIFU

²⁹ U veye nobwelemeridzi, ive Israeli: Ibwaha u leng'ana na ive, avandu va Yahova ya honya, Ingavo yobukonyi bubwo, Kandi kivavi kyobukumi bubwo Avasigu vovo va legehidza ku ive; Na u la duvaga ha diguluku havo.

Kwidzulitsa 33:29 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

2 Samweli 22:3

Nyasaye, lwanda lwange, ndi visa muye; Ingavo yange, nolwiga lwange lwobuhonnyi, nomunara gwange, na hokwivisa hange; A veye muhonnyi wange, u mbonnyi ku kirage.

2 Samweli 22:45

Avetsihiri tsindi va legehidza avene ku inze: Lwa va hulira makuva gange, nonoho va mbulira.

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

2 Kyetsinyinga 31:8

Na Hezekia na vanene lwa va tsia va lola vitumi zana, va ga sidza Yahova, navandu veve Israeli.

Zaburi 1:1

A veye nobugasu mundu u vula kugenda mu makuva gavoni Kandi u vula kusingira ku inzira ya vetsimbi, Kandi si yikala ku kisako kya vekihenyahenye:

Zaburi 144:15

Avandu va veye neliva yili va veye nobugasu; Yee, avandu va veye nobugasu ava Nyasaye a veye Yahova wavo

Zaburi 18:44

Lwa va hulira makuva gange nonoho va la mbugirira; Avageni va legehidza avene ku inze.

Zaburi 18:45

Avageni va la niala, Va la twula mbugono bwavo bwo kwivisa nelidegera.

Zaburi 32:1

A veye nobugasu uyu wamahyolo gege ga sameheywi, Wobwoni bwibwe bu kunikeywi.

Zaburi 32:2

A veye nobugasu mundu uyu wa Yahova a vula kuvalidza kuye ubukyamu, Kandi uyu wobugadi bu ta li mu mwoyo gwigwe.

Zaburi 33:12

I veye nobugasu ihiri ya Yahova a veye Nyasaye wayo, Avandu ava ya tovola kuva miyandu gyigye mwene.

Zaburi 33:20

Mwoyo gwetu gu lindiriye Yahova: A veye ubuhonnyi bwetu na inga vo yetu.

Zaburi 45:3

Webohe kivavi kikyo ku kikenge kikyo, O ive wetsingulu, Na ubukumi bubwo na ubunene bubwo.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Zaburi 68:34

Mu vole ku Nyasaye, a veye netsi ngulu: Ubunene bwibwe bu veye igulu ku Israeli, Na tsingulu tsitsye tsi veye ku malesi.

Zaburi 7:12

Mundu na a vula kwirana, a la hyagala kivavi kikye; U mali kunyira buta bwibwe nokubuhingira;

Zaburi 81:15

Yavo ava dunyira Yahova nkano vegehidza kuye: Navutswa tsinyinga tsyavo tsi la menya mihiga nemihiga.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 33:16

uyu a la menya igulu; hokuhonera hehe ha la va tsimpinga tsyomulwanda; a la hebwa vyokulia vivye; amadzi gege si ga la vula kuva ho.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 58:14

hene yaho u leyanzidza mu Yahova; nda ku nyinnya ahadiguluku helirova; na nda ku lihidza miyandu gya Yakobo guga wowo: kigira munwa gwa Yahova gu mali kuvola yaga.

Jeremia 12:12

Avala nyi va nini ku vigulu mu kyangala ngwi; kigira kivavi kya Yahova kiitanga kutwula ku luvega yilu kuduka ku luvega yilu lwekivala: si ha veye nowombiri u veve mu mire mbe.

Jeremia 47:6

O ive kivavi kya Yahova, u la va na madiku ganga u luhe u sose? Wevike ive mwene mu Iwula: u sose, wehodzeridze.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Amosi 8:7

Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo

Habakuk 3:19

Yahova, Mwami, a veye tsingulu tsyange; A kola virenge vyange kuva kuli Direnye vyemboongo, Na a la ng'endidzira virenge vyange mu hadiguluku.

Livalidza 24:5

Amahema gogo ga veye malahi ndi, O Yakobo, Ubumenyo bubwo, O Israeli

Livalidza 33:52

hene yaho mu la kunga avomkivala vosi va twule imbiri wenyu, na mu lononya magina gavo gosi aga vadzwa, nokwononya vifwananyi vyavo vyosi, nokushonolannya hosi hadiguluku havo:

Kwidzulitsa 32:13

Ya mu nyinnya igulu he kivala kye ginga, Naye ya lia limedeka lyemilimi; Na ya mu nyunnya ubwuki ku lwanda, Namaguta kutwula ku ligina lidinyu;

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

1 Timoteo 4:10

Kigira yaga ku yinziranga nokweguluhidza, kigira ku suuvira Nyasaye u veye mwoyo, u veye Muhonnyi wavandu vosi, kuvita wa yava avasuuviri.

Likunula 1:16

Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.

Likunula 19:21

navatigaye viitwa nekivavi kya uyu wikaye ku iparasi, nakyo kya twula mu munwa gwigwe: namanyonyi gosi giguta tsinyama tsyavo.

Vakalagi 7:20

Na viduma vivaka vya kupa visiliva, nokwatannya tsinyingu, ni va gumira viyai mmakono gavo mamosi, nevisiliva mmakono gavo malungi va duke kuvikupa, na va hanzuka, ni va vola, Kivavi kya Yahova nekya Gideon.