Kwidzulitsa 33:28 - KITABU KITAKATIFU

²⁸ Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.

Kwidzulitsa 33:28 ပူးပေါင်းရင်းမြစ်များ

Litanga 27:28

Kandi Nyasaye a ku he vyelime lyomigulu, Na vyobunulu bwelirova Nobunyingi bwobuswage, newaini indoto:

Litanga 27:37

Na Isaka ya tivula na a volera Esau, Mmu koleye munene ku ive, navamwavo veve mmu heye kuva avatumekiri veve; mmwigutidzi nobuswage newaini: na kalunu nda ku kolera ki, mwana wange?

Litanga 27:39

Na Isaka dada wewe, ya tivula na a mu volera Henza, limenya lilyo li la va lyobunulu bwelirova, Na lyelime lyomigulu;

1 Avami 5:5

Na, henza, nsaavira kwombakira lieta lya Yahova Nyasaye wange inyumba, kuli Yahova ya volera Daudi dada wange, na a vola, Mwana wowo, wa ndi vika ku intebe yoyo yobwami mbugono bubwo, uyu a lombakira lieta lyange inyumba.

Zaburi 68:26

Mu gasidze Nyasaye mu livugana, Kali Mwami, muinye avekisenukiru kya Israeli.

Kutwula 33:16

Kigira, kalunu ga la manyikana ndi inze nyoye liverererwa imbiri wowo, inze na avandu vovo? Si ga li ku litsia lilyo halala nekwinye, kuduka inze na avandu vovo, kwahulwa ku avandu vosi ava veye mu lirova?

Tsing'ano 19:12

Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Tsing'ano 3:20

Ku limanya lilye ululiva lwavukanywa, Na malesi ga tonyatonya lime.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Jeremia 49:31

Mu singire, mwanegire ku ihiri i veye mbusosi, i menyanga bugira linyankana, Yahova a vola; i ta veye neviribwa kinga miluguyu, avandu va menyanga veng'ine.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Zekaria 14:11

Avandu va la menya mu, si ha la va nelilaama kandi mba; navutswa Yerusalemi li la menya nemirembe.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Livalidza 23:9

Kigira mmu lolera ha mbeye hano ku intongi yolwanda Na ha mbeye hano mu vigulu mmu lola: Henza, va veye avandu ava menyanga veng'ine, Na si va la validzirwa mu tsihiri.

Kwidzulitsa 11:11

navutswa kivala, kya mwambukanga yo kukigumira, ki veye kivala kyevigulu namavona, ki nwedzanga amadzi gembula yomigulu,

Kwidzulitsa 12:10

Navutswa lwa mwambuka Yordani, nokumenya mu kivala kya Yahova Nyasaye wenyu a mu kola avemiyandu, na lwa a mu sosidza kumutwulidza ku avasigu venvu vosi tsimbega tsyosi, mu duke kumenya nemirembe;

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

Kwidzulitsa 32:8

Inyinga U-veye-lgulu-Ligali ya haana miyandu ku vetsihiri, Lwa yavukanya avana vavandu, Ya vika tsinzako tsyavandu Kuli livalidzwa lya avana va Israeli.

Kwidzulitsa 33:12

Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.

Kwidzulitsa 33:13

Na ku Yosefa ya vola, Kivala kikye, Yahova a ki gasidze, Ku evindu vyobuguli budinyu vyomigulu, noku lime, Noku luliva lu baamanga hasi,

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.