Kwidzulitsa 33:27 - KITABU KITAKATIFU

²⁷ Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Kwidzulitsa 33:27 ပူးပေါင်းရင်းမြစ်များ

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

Zaburi 102:24

Nda vola, O Nyasaye wange, u ta ntwulidza hagati ha mmadiku gange mba: Mihiga gyigyo gyi tsitsanga ku makula gosi.

Zaburi 139:5

Ive u nkumbiridzi inyima na imbiri, Nokuvika kigalo kikyo ku inze.

Zaburi 18:2

Yahova a veye lwanda lwange, na lugaga lwange, na muhonyi wange; Nyasaye wange, lwanda lwange, uyu wa nzlvisa mu; Ingavo yange, na ulwiga lwobu honyi bwange, na munara gwange.

Zaburi 27:5

Kigira mu lidiku lyekivi, a la ninda makiriri mu lihema lilye: Mu king'odze kyelihema lilye a la nkinga; A la nsingeridza ku lwanda.

Zaburi 36:7

Tsimbabasi tsyobuyanzi tsitsyo, O Nyasaye, tsi veye tsindahi kuli ndi Avana va avandu vivisanga mu kiriri kyetsimbaha tsitsyo.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 48:3

Nyasaye yekoli mwene kumanyekana mu tsinyumba tsyobwami tsitsye, kuva hokwivisa mu.

Zaburi 55:19

Nyasaye a la va hulira nokuvativulira, Kali uyu a hindiranga kutwula kale. [Selaha Ava vula kulola ligirunkana, Kandi ava ta tia Nyasaye.

Zaburi 68:34

Mu vole ku Nyasaye, a veye netsi ngulu: Ubunene bwibwe bu veye igulu ku Israeli, Na tsingulu tsitsye tsi veye ku malesi.

Zaburi 71:3

U ve ku inze lwanda lwobumenyi bwange, lwokwingira mu kazozo: U mali kulaga mbonywe; Kigira ive u veye lwanda lwange, na impinga yange.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Zaburi 91:9

Kigira ive, O Yahova, u veye hokuhonera mu hange U koli Weigulu Iigali kuva ubumenyo bubwo;

Kutwula 23:28

Na nda tuma mahalamba imbiri wowo, ga la kunga Avahivi, na Avakanani, na Avahiti, va twule imbiri wowo.

Kutwula 34:11

Ive u kole aga nku laganga lero: henza, nda kunga kutwula imbiri wowo Avaamori, na Avakanani, na Avahiti, na Avaperizi, na Avahivi, na Avajebusi.

Tsing'ano 10:25

Kihudzudzi ni ki mali kuvita mudamano si a veye ho kandi, Navutswa wobulungi a veye muse gwa madiku gosi.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Lwimbu lwa Solomoni 2:6

Mukono gwigwe mmosi gu veye isi womutwe gwange, Nomukono gwigwe mulungi gu mkumbereye.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 26:4

Mu suuvire Yahova madiku gosi; kigira mu Mwami Yahova, Yahova mwene, mu veye nolwanda lwokumenya mihiga nemihiga.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 50:21

Wanegire kutwulira kivala kya Merathaim, yee, kukyo, noku yavo ava menyanga Pekodi: kwiita noku dividza ligali inyima wavo, Yahova a vola, u kolere yavo gosi aga nku lagi.

Hosea 11:3

Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya.

Mika 5:1

Mwami welirova lyosi. Kalunu u li vungidza viduma, O mukana weviduma; uyu u ku kumbiridza nelihe lilye: va la kuya mukalagi wa Israeli nempimbo ku lusaya lwilwe.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Luka 13:34

O Yerusalemi, Yerusalemi, ive wiitanga avaprofeti nokulasa magina ava tumwa ku ive tsinyinga tsyanga ndenya kuvungidza avana venyu kuli inyavuli i vungidza viminyo vyayo mu tsimbaha tsya yo, navutswa mwinye si mwenya

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Varumi 8:2

Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

Kwidzulitsa 7:2

na lwa Yahova Nyasaye wowo a la va vika havulavu imbiri wowo, kuvaguuta; hene yaho u la va duya: na u la i vononya ligali: u ta kola lilagana navo, kinga ku va vererera;

Vafilipi 3:9

kandi ndoleke muye, nta va nobulungi bwange, obu twulanga mu lilaga, navutswa bu ve obu twulanga ku lisuuvira mu Kristo, ubulungi obu twulanga ku Nyasaye kigira lisuuvira:

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Joshua 24:18

kandi Yahova ya kunga avandu vetsihiri tsyosi va twule imbiri wetu, navo na Vaamori ava menya mu kivala yikyo: kunangwa kwinye kandi ku la tumekira j Yahova; kigira uyu a veye Nyasaye wetu.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.