Kwidzulitsa 33:26 - KITABU KITAKATIFU

²⁶ Si ha veye nofwanana na Nyasaye, O Jeshurun, Udzanga u nini igulu migulu ku likonywa lilyo, Noku malesi mu ubukumi bwibwe.

Kwidzulitsa 33:26 ပူးပေါင်းရင်းမြစ်များ

Zaburi 104:3

Walanga myaliru gyetsinyumba tsitsye ku amadzi; U kolanga malesi kuva ligarelilye; U genderanga ku tsimbaha tsye mbuudza;

Zaburi 18:10

Yikala ku mukerubi, na a buluka; Yee, ya buluka ku tsimbaha tsyembuudza.

Zaburi 68:35

O Nyasaye, u veye welitihidza kutwula mu hatakatifu hoho: Nyasaye wa Israeli, a haananga tsingulu na ubunyali ku avandu veve. Nyasaye a gasidzwe.

Zaburi 68:4

Mwimbire Nyasaye, mwimbe kwidzominya lieta lilye: Mu mu lungekidzire inzira uyu u ninanga kugenda mu kyanga langwi. Lieta lilye li veye Yahova; mu sangale imbiri wewe.

Zaburi 86:8

Si ha li nowundi hagati ha vanyasaye, u veye kuli ive, O Mwami; Si ha li nelikola lindi li veye kuli likola lilvo.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 15:7

Kandi mu bunene bwobulahi bubwo wagululanga ava singira kuvukira ive: U letanga ubutima bubwo, nabwo bu va sambanga kuli uluvuva.

Kutwula 8:10

Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu.

Kutwula 8:6

Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 40:25

Kunangwa mu la fwanannya na bwaha inze, nduke kuleng'ana nave? Mutakatifu a vola.

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 66:8

Ni bwaha u huliye makuva kuli yaga? Ni bwaha u loli vindu kuli yivi? Kivala ki livulwa ku lidiku lilala? Ihiri i livulwa nonoho? Kigira nonoho lwa Zioni lya lumwa, livula avana valyo.

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Hosea 13:9

O Israeli, weyononnyi mwene, navutswa ubukonyi bubwo bu veye mu inze.

Amosi 8:7

Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo

Habakuk 3:8

Yahova ya vihirirwa nemigera? Butima bubwo bwa li ku migera, Kinga ubutima bubwo bwa li ku inyanza, Ive u duka kunina ku tsiparasi tsitsyo Ku magari gogo gobuhonyi?

Kwidzulitsa 10:14

Henza, ligulu li veye lya Yahova Nyasaye wowo, neligulu lyomigulu, nelirova, na vyosi vi veye mulyo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 33:5

Ya li mwami mu Jeshurun, Inyinga mitwe gyavandu va vugani Tishiri tsyosi tsya Israeli halala.

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.