Kwidzulitsa 33:25 - KITABU KITAKATIFU

²⁵ Vilatu vivyo vi veye kivya nomugasa; Na kuli madiku gogo tsingulu tsitsyo tsi la va ndiyo.

Kwidzulitsa 33:25 ပူးပေါင်းရင်းမြစ်များ

Litanga 49:20

Asheri, vyokulia vivye vi la va vinolu, Na a la haana vyokulia vilahi vyobwami.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Zaburi 138:3

Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

Zaburi 147:13

Kigira u dinyiridzi miluguyu gyeviribwa vivyo; A gasidzanga avana vovo mu ive.

Isaya 40:29

A haana tsingulu ku va kudzanga myoyo; na a medanga bunyali ku uyu u ta li netsingulu.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Luka 15:22

Navutswa ise ya volera avatugwa veve, Mu tsie bwangu kuleta ingubo indahi kuvita tsyosi, mu mu vike; kandi mu mu vike imingiri ku kidete kikye, nevilatu ku virenge vivye:

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

Vafeso 6:15

kandi mu mali kubofwa ku virenge nelilombwa lyevangeli yemirembe;

Kwidzulitsa 32:47

Kigira si ga veye amakuva ga vutswa ku mwinye; kigira ga veye livamwoyo lyenyu, noku inkuva yiyi ma madiku genyu mu la ga kola manyingi ku kivala, kya mwambukanga Yordani kukigumira.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 8:9

kivala kyo u lagira mu bukima bugira komodza, si u la gehera kindu mukyo; kivala kyamagina gakyo ga veye kivya, nevigulu vya va twulidzanga mu mugasa.

Vafilipi 4:13

Nnyalanga kukola vindu vyosi mu uyu u nyalidzanga.

Vakolosai 1:11

Mu dinyeridzwe netsingulu tsyosi, kuli ubunene bwobukumi bwibwe, kuduka ku buhokya bwosi nobwikudziri bwosi halala nobusangali;

Joshua 14:11

Navutswa kalunu mbeye netsingulu tsyange kuli nda li ku lidiku lya Musa ya ntuma: kuli tsingulu tsyange tsya li inyinga zana, netsingulu tsyange tsi veye ndiyo kalunu, mbulwani, nokusamula nokwingira.