Kwidzulitsa 33:22 - KITABU KITAKATIFU

²² Noku Dan ya vola, Dan a veye mwana weking'ang'a, Ki tuumanga kyova mu Bashan.

Kwidzulitsa 33:22 ပူးပေါင်းရင်းမြစ်များ

1 Kyetsinyinga 12:35

Noku Vadan ava nyala kulohidza ubulwani, tsielfu makumi gaviri na tsitano na tsivaka netsimia tsitano na indala.

Ayubu 37:1

Yee, mwoyo gwange gu degeranga ku yaga, Na gu twulidzwa mbugono bwagwo.

Ezekieli 19:2

u vole, Mama wowo ya li kindu ki? Ya li king'ang'a kikali: kya gona hasi hagati heving'ang'a, hagati heving'ang'a visoleli ya nyunnya avana veve.

Ezekieli 19:3

Ya leta mulala ku avana veve: naye ya duka kuva king'ang'a kisoleli, na yega kuhima, nokulia avandu.

Joshua 19:47

Na lwako lwavana va Dan lwa twula kuvavita; kigira avana va Dan vanegira kulwana na Leshem, nokulivugula, nokulikuya nobwogi bwekivavi, nokuligumira, na va menya mu, na va gulika Leshem, Dan, kuli lieta lya Dan dada wavo.

Vakalagi 13:2

Mundu mulala ya li ho wa Zora wehiri ya Vadan, wa langwa Manoa; mukali womundu uyu ya li mugumba, na si yivula arana.

Vakalagi 14:19

Roho wa Yahova ya duka kuye netsingulu, na ya sulunguta Ashikelon, na ya kuya avandu makumi gavaka mu avandu yavo, na a vugula vilanye vyavo, na a ha ava vuula lugano tsingubo. Nobutima bwibwe bwaaka, na yanegira kutsia ku inyumba ya dada wewe.

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

Vakalagi 15:15

Naye ya lola kigumba kihya kyolusaya lwesukiri, na a nyira mukono gwigwe, na a ki gumira, na ya kuya avandu elfu nakyo.

Vakalagi 15:8

Naye ya va kuya litango nevadzwa, nobwiiti bunene Jigali: naye ya sulunguta na a menya mu lubwa lwolwanda lwa Etam.

Vakalagi 16:30

Na Samsoni ya vola, Ndeka nkudze halala na Vafilisiti yava. Na yinama netsingulu tsitsye tsyosi; nenyumba ya gwa ku vanene, na ku vosi ava li muyo. Kunangwa avakudzi va yiitira mu likudza lilye va li vanyingi kuvita ava yiitira mu livamwoyo lilye.

Vakalagi 18:27

Na va vugula vya Mika ya lomba, nomusalisi wa ya li naye, na va duka Laishi, ku avandu va li nobwelemeridzi bugira ubutii: va va kuya nobwogi bwekivavi, na va samba lidala lyavo nomuliru.