Kwidzulitsa 33:17 - KITABU KITAKATIFU

¹⁷ Watanga-kwivulwa ku likula lilye ubukumi bu veye bwibwe; Netsinziga tsyayo tsi veye kuli tsinziga tsyembogo: A la mina avetsihiri tsyosi natsyo, kuduka ku kiheri kyelirova: Navo va veye tsielfu likumi tsya Efiraim, Navo va veye tsielfu tsya Manase.

Kwidzulitsa 33:17 ပူးပေါင်းရင်းမြစ်များ

Litanga 48:19

Na dada wewe ya sula, na a vola, Mmanya, mwana wange, mmanya; uyu kandi a la gwa ihiri, kandi a la va munene: navutswa amwavo wewe muke a la va munene kuvita uyu, na kisukululwi kikye ki la gwa ubunyingi bwetsihiri.

1 Avami 22:11

Na Zedekia mwana wa Kenaana ya lomba tsinziga tsyekivya, na a vola, Yahova a vola, U la sindika Avasiria na yitsi, kuduka va dividzwe vosi.

1 Kyetsinyinga 12:31

Noku inusu yehiri ya Manase tsielfu likumi na tsitano na tsivaka, ava talwa ameta gavo, ava dza kukola Daudi a ve mwami

1 Kyetsinyinga 12:32

Noku avana va Isakari, avandu velimanya lyetsinyinga, kumanya aga dukiranga Israeli kukola, mitwe gyavo gya li tsimia tsiviri; kandi avamwavo vavo vosi va hulira amalago gavo.

1 Kyetsinyinga 5:1

Navana va Rubeni wa tanga kwivulwa wa Israeli (kigira niye wa tanga kwivulwa; navutswa, kigira yononya vigonero vya dada wewe, ubunene bwibwe bwelivulwa bwa haanwa ku avana va Yosefa mwana wa Israeli; na visukululwi si vya validzwa kulonda bunene bwelivulwa.

1 Kyetsinyinga 5:2

Kigira Yuda ya li nobukumi igulu ku vamwavo veve, nomwami ya twula kuye; navutswa ubunene bwelivulwa bwa li bwa Yosefa),

1 Kyetsinyinga 5:23

Avana va inusu yehiri ya Manase va menya mu kivala: va medeka kutwula Bashan kuduka Baalherimon na Seniru, nomu kigulu kya Herimon.

2 Kyetsinyinga 18:10

Na Ze dekia mwana wa Kenaana ya lomba tsinziga tsyekivya, na a vola, Yahova a vola ndina, Ive u la sindika Vasi ria na yitsi, va luhe va kame.

Zaburi 22:21

U nkonye ku munwa gweking'ang'a; Yee, ku tsinziga tsyetsing'ombe tsyomigendanyama u mbugiriye.

Zaburi 29:6

A vi kola kugoma kuli kimoli; Lebanon na Sirion kugoma kuli ing'ombe isoleri yomigendanyama.

Zaburi 44:5

Ku la tsoma avasigu vetu netsi ngulu tsitsyo: Ku lieta lilyo ku la duvaga yava ava vukira kwinye.

Zaburi 60:7

Gileadi ki veye kyange, na Manase ki veye kyange; Na Efiraim kandi ki veye kyokukinga mutwe gwange; Yuda a veye impimbo y ange yobwami.

Zaburi 92:10

Navutswa u nenehidzi lwiga lwange kuli lwembogo: Mbakiywi maguta mahya.

Isaya 34:7

Na tsing'ombe tsyombulimu tsi la sulunguta halala navo, netsirahu, netsigiriki: nekivala kyavo ki la hambika masahi, na lugukyi lwavo lu la nulidzwa nevinolu.

Ezekieli 34:21

Kigira mwinye mwa luguta netsimbalu na namavega, nokutodza amalwaye netsinziga tsyenyu, kuduka kugasalannya yiyi na yiyi;

Danyeli 8:4

Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Hosea 5:3

Mmanya Efiraim, na Israeli si a viswa ku inze; kigira kalunu, O Efiraim, wekoli wamalaya, Israeli u nyoye budamano.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Livalidza 23:22

Nyasaye a va letanga kutwula Egepeti; A veye netsingulu tsyembongo.

Livalidza 24:8

Nyasaye a mu letanga kutwula Egepeti; A veye netsingulu tsyembongo: A la lia tsihiri tsi veye avasigu veve, Nokuvunanya vigumba vyavo ve vidonye, Na a la va tumita nemibano gyigye.

Livalidza 26:34

Yibu nibwo bwiko bwa Manasena yava ava validzwa kuvo va li tsielfu makumi gatano na gaviri, na tsimia tsitano na tsiviri.

Livalidza 26:37

Yibu nibwo bwiko bwa avana va Efiraim kuli yavo ava validzwa kuvo, tsielfu makumi gavaka na tsiviri, na tsimia tsitano. Yava nivo avana va Yosefa kuli bwiko bwavo.

Joshua 17:14

Na avana va Yosefa va volera Joshua, ni va vola, Kigira ki ive haana ku inze kidieli kilala nolwako lulala vutswa, navutswa inze mbeye ihiri inene, kigira Yahova u ngasidza kuduka lero?

Joshua 17:18

navutswa kivala kyevigulu ki la va kikyo; kali ni gu veye mulitu, u la gu tema, ne kiheri kyakyo ki la va kikyo: kigira u la kunga Vakanani, ra twule mu, kali ni va veye namagari gevivya, kali ni va veye avobunyali.

1 Samweli 2:1

Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.