Kwidzulitsa 33:14 - KITABU KITAKATIFU

¹⁴ Noku vindu vyobuguli budinyu vyamakuyu geliuva, Noku vindu vyobuguli budinyu vyelimedeka lyemieli

Kwidzulitsa 33:14 ပူးပေါင်းရင်းမြစ်များ

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

Zaburi 104:19

Ya lomba mweli kulolekidza tsinyinga: Liuva li manya liyera lyalyo.

Zaburi 74:16

Mugamba nu gugwo, kandi ubudiku nu bubwo: U lombi kyokulavidza ubudiku na liuva.

Zaburi 8:3

Lwa nganagana migulu mumwo, miyinzi gyevidete vivyo, Mweli na tsing'ereng'ani, vya ive wa lomba;

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Kyavalevi 26:4

kunangwa nda kupidza imbula yenyu ku tsinyinga tsyayo, na kivala ki lama limedeka lyakyo na misala gyemilimi gyi lama makuyu gagyo.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 5:45

mu duke kuva avana va Dada wenyu u veye migulu: kigira a vaalidza liuva lilye ku vadamano navalahi, kandi a kupidza imbula ku valungi nava ta li avalungi.

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Kwidzulitsa 28:8

Yahova a la laga ubugasu budze ku ive mu magungi, na mu vyosi vya u vika ku mukono gugwo; na a la ku gasidza mu kivala kya Yahova Nyasaye wowo a ku ha.

Kwidzulitsa 33:13

Na ku Yosefa ya vola, Kivala kikye, Yahova a ki gasidze, Ku evindu vyobuguli budinyu vyomigulu, noku lime, Noku luliva lu baamanga hasi,

Kwidzulitsa 33:15

Noku vindu vilahi kuvita vyevigulu vyakale, Noku vindu vyobuguli budinyu vyotugulu twemihiga nemihiga,

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

Likunula 22:2

hagati henzira yalyo. Kandi ku luvega yili lwomugera zana noku luvega yilwo gwa li ho musala gwelivamwoyo, gwamanga makuyu ting'ano likumi na tsiviri, gwamanga makuyu gagwo ku mweli nomweli: kandi amatu gomusala zana ga veye gokuhonnya tsihiri.