Kwidzulitsa 33:13 - KITABU KITAKATIFU

¹³ Na ku Yosefa ya vola, Kivala kikye, Yahova a ki gasidze, Ku evindu vyobuguli budinyu vyomigulu, noku lime, Noku luliva lu baamanga hasi,

Kwidzulitsa 33:13 ပူးပေါင်းရင်းမြစ်များ

Litanga 27:27

Naye yisunda himbi m a mbusa: naye ya hulira malusu getsingubo tsitsye, na a mu gasidza, na a vola, Henza, malusu gomwana wange Gu veye kuli malusu gomulimi gwa Yahova a gasidzi:

Litanga 27:39

Na Isaka dada wewe, ya tivula na a mu volera Henza, limenya lilyo li la va lyobunulu bwelirova, Na lyelime lyomigulu;

Litanga 48:5

Na kalunu avana vovo avayai vaviri, avivulwa ku ive mu kivala kya Egepeti lwa inze nkikiri kuduka ku ive mu Egepeti, va veye vange; Efiraim na Manase, kuli Rubeni na Simeoni, va la va vange.

Litanga 48:9

Na Yosefa ya volera dada wewe Yava va veye avana vange, va Nyasaye ya mpera hano. Naye ya vola Mwadza, u va sunde himbi ku inze na nda va gasidza.

Ayubu 29:19

Kitinya kyange ki tsitsagililanga kuduka mu madzi Na lime li menyanga ubudiku bei ku tsisya tsyange:

Zaburi 110:3

Avandu vovo vehaana avene nobulaliri bwavo Ku lidiku lyetsingulu tsitsyo mu bulahi bwobutakatifu: Kutwula mu inda yamabwebwe U veye nelime lyobusoleri bubwo.

Zaburi 148:7

Mwidzominye Yahova mu lirova, Miyoka gyosi gyomululiva

Tsing'ano 19:12

Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Tsing'ano 3:20

Ku limanya lilye ululiva lwavukanywa, Na malesi ga tonyatonya lime.

Isaya 18:4

Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Livalidza 1:32

Ku avana va Yosefa, kuro'a, ku avana va Efiraim, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga rmakumi gaviri nokuvita, vosi ava nyala kutsia mu bulwani;

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

Kwidzulitsa 33:14

Noku vindu vyobuguli budinyu vyamakuyu geliuva, Noku vindu vyobuguli budinyu vyelimedeka lyemieli

Kwidzulitsa 33:28

Israeli va menyanga bulahi, Kisinukiru kya mazdzi kya Yakobo ki veye kiderwa, Mu kivala kyobuswage newaini ihya; Yee, ligulu lilye li tonyatonyanga lime.