Kwidzulitsa 33:12 - KITABU KITAKATIFU

¹² Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.

Kwidzulitsa 33:12 ပူးပေါင်းရင်းမြစ်များ

2 Samweli 12:24

Na Daudi ya leminya mwoyo gwa Bath-sheba mukali wewe, naye ya duka kuye, na a gona naye: ni yivula mwana muyai, na ya gulika lieta lilye Solomoni. Na Yahova ya mu yanza;

2 Samweli 12:25

naye ya tuma nomukono gwa Nathan muprofeti; naye ya mu gulika lieta lilye Jedidia, kigira Yahova.

1 Avami 12:21

Rehoboam lwa ya mala kuduka Yerusalemi ya vungidza inyumba yosi ya Yuda, na ihiri ya Benjamini, avasatsa ava tovolwa tsielfu mia na makumi gatano na gavaka, va li avelihe, kulwana nenyumba ya Israeli, nokuleta ubwami bu ve bwa Rehoboam mwana wa Solomoni.

2 Kyetsinyinga 11:1

Na lwa Rehoboam ya duka Yerusalemi, ya vungidza ara ndu venyumba ya Yuda na Benjamin avandu tsielfu mia na makumi ga tano na gavaka avatovolwa, avoku lwana, va duke kulwana na Israeli kwirannya ubwami ku Rehoboam kandi.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

Zaburi 132:14

Hano ha veye hokusosa hange mihiga gyosi; Nda menya hano; kigira nda lyenya.

Zaburi 60:5

Muyanze wowo a duke kuhonywa, U ku honnye nomukono gugwo mulungi, na u ku tivulire.

Zaburi 91:4

A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

Kutwula 28:12

Na magina zana gaviri u la ga vika ku mikanda gyamavega gyekisibao, ga ve magina gokwidzulitsa ga avana va Israeli: na Haruni a la ginga ameta gavo imbiri wa Yahova ku mavega gege gaviri, ga ve kyokwidzulitsa.

Isaya 37:22

likuva lya Yahova ya tivula ku makuva gege, ni yili: Mukana migima wa Zioni u legi ive nokukuseka kuduka kuva isoni; mukana wa Yerusalemi u ku sung'useye mutwe gwigwe.

Isaya 37:35

Kigira inze nda sola lidala yili kulihonnya, kigira inze mwene, na kigira Daudi, mutumekiri wange.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Jeremia 12:7

Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

Livalidza 34:21

Na wehiri ya Benjamini, Elidadi mwana wa Kislon.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Kwidzulitsa 12:10

Navutswa lwa mwambuka Yordani, nokumenya mu kivala kya Yahova Nyasaye wenyu a mu kola avemiyandu, na lwa a mu sosidza kumutwulidza ku avasigu venvu vosi tsimbega tsyosi, mu duke kumenya nemirembe;

Kwidzulitsa 32:11

Kuli indidzu i sambulanga inyumba yayo, Ne yedungerera igulu ku avanavayo, Ni inyira tsimbaha tsyayo, nokuvavugula, Ya va ginga ku tsimbaha tsyayo.

Kwidzulitsa 33:11

Yahova, u gasidze liva lilye, U bugirire miyinzi gyamakono gege; U teme vikenge vya yavo ava mu vukiranga, Nevya yava ava mu dunyiranga, va ta vuka kandi.

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

Vakalagi 1:21

Navana va Benjamini va vula kukunga Vajebusi ava menya ha Yerusalemi; navutswa Vajebusi va menya halala navana va Benjamini mu Yerusalemi kuduka lero.

1 Samweli 10:20

Ma Samweli ya leta tsihiri tsyosi tsya Israeli ahimbi, nehiri ya Benjamini ya vugulwa.