Kwidzulitsa 33:10 - KITABU KITAKATIFU

¹⁰ Va legidza Yakobo miima gyigyo, Na ku Israeli lilaga lilyo: Va la vika vimuli imbiri wowo, Nekihaanwa kidukanu kyokusambwa ku bwali bubwo.

Kwidzulitsa 33:10 ပူးပေါင်းရင်းမြစ်များ

2 Kyetsinyinga 26:18

na va gaya mwami Uzia, ni va mu volera, Si ga ku dukira ive, Uzia, kuvuyidzira Yahova, navutswa ga dukira avasalisi avana va Haruni, ava takaswa kuvuyidza: twule mu hatakatifu, kigira u hyoye; na si ga la va lidzominywa lilyo ku Yahova Nyasaye mba.

2 Kyetsinyinga 30:22

Na Hezekia ya leminya Valevi vosi, mwoyo ava li nelimanya lilahi mu butumiki bwa Yahova. Ma va lia mu lisavo mu litanga kuduka ku kiheri kya madiku gatano na gaviri, ni va haana vihaa nwa vyemirembe, nokweyamira Ya hova, Nyasaye wavaguga vavo.

Ezara 7:10

Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

Nehemia 8:18

Halala na yaga lidiku nelidiku, kutwula ku lidiku lyoku tanga kuduka ku lidiku lyekiheri, ya soma mu kitabu kyelilaga lya Nyasaye. Na va singeridza lisavo madiku gatano na gaviri; noku lidiku lya gatano na kavaka ha li nelivugana lyokwegehidza ligali kuli lilaga.

Zaburi 51:19

Kunangwa u la yanzidzwa mu vihaanwa vyobulungi, Nomu kihaanwa kyokusambwa na kihaanwa kyokusambwa kyosi: Inyinga zana va la haana tsigiriki ku bwali bubwo.

Ezekieli 43:27

Na lwa va mala kudukidza amadiku yago, ku lidiku lya gatano na gavaka nokutsia imbiri, avasalisi va la lomba vihaanwa vyenyu vyokusambwa ku bwali, na vihaanwa vyenyu vyemirembe; na inze nda bugirira mwinye, Mwami Nyasaye a vola.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Kyavalevi 1:13

navutswa amala na virenge a la vyogidza namadzi. Na musalisi a la haana vyosi, nokuvisamba ku bwali: ki veye kihaanwa kyokusambwa, kihaanwa kyokuhaanwa nomuliru, kyokufunyira Yahova mwayu.

Kyavalevi 1:17

na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.

Kyavalevi 1:9

navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

Kyavalevi 10:11

kandi kuduka kwegidza avana va Israeli malago gosi ga Yahova ya va volera nomunwa gwa Musa.

Kyavalevi 16:12

na a la vugula kituva kyethahabu kizula amanda gomuliru gwobwali bu veye imbiri wa Yahova, na makono gege gizula kimuli kinolu kyanyukwa na, a la vi hila muse mwengubo vokukinga:

Kyavalevi 16:13

na a la vika kimuli ku muliru imbiri wa Yahova, mwoki gwekimuli gu kunike intebe yetsimbabasi i veye ku lilolekidza, a vule kukudza:

Haggai 2:11

Ya hova wa mahe a vola ndi: Mu teve avasalisi ku makuva gelilaga, mu vole,

Haggai 2:12

Mundu mulala na a va na a ginga inyama intakatifu mu lilingwa lyengubo yeye, nengubo yeye ni i dira ubukima, kinga ubusera, kinga iwaini, kinga maguta, kinga kyokulia ku vyosi, kindu zana ki la va kitakatifu, naho? Na vasalisi va tivula ni va vola, Auwa.

Livalidza 16:40

kuva kyokwidzulitsa ku avana va Israeli, kuduka mugeni, u ta veye ku kisukululwi kya Haruni, a tesunda himbi kuvuyidza kimuli imbiri wa Yahova; a vule kuva kuli Kora, na kuli livugana lilye: kuli Yahova ya mu volera na munwa gwa Musa.

Livalidza 16:46

Na Musa ya volera Haruni, Vugula kituva kikyo, u vike muliru gwobwali kukyo, u vike kimuli ku muliru, u tsie bwangu nakyo mu livugana, u va lombere kyokukunika ubwoni: kigira ubutima bu twuli ku Yahova; na iplegi i tangi.

Livalidza 7:50

nekijiko kilala kyethahabu kyeligerwa lyetsishekeli likumi, kizula kimuli:

Kwidzulitsa 24:8

U henzi mu liduya lyobugere, u linde netsingulu, u kole kuli gosidza ga avasalisi Valevi va mwegidza: kuli nda va laga, mu linde mu kole ndiyo.

Kwidzulitsa 27:14

Na Valevi va tivule, na va volere avasatsa vosi va Israeli nomwoyo munene.

Kwidzulitsa 33:11

Yahova, u gasidze liva lilye, U bugirire miyinzi gyamakono gege; U teme vikenge vya yavo ava mu vukiranga, Nevya yava ava mu dunyiranga, va ta vuka kandi.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye:

1 Samweli 2:28

Na si nda tovola uyu mu tsihiri tsyosi tsya Israeli a gwe musalisi wange, yanegira kutsia ku bwali bwange, kuvuyidza kimuli, nokwivika kisibao imbiri wange? Na si nda haana ku avenyumba yadada wowo vihaanwa vyosi vyavana va Israeli va haana nomuliru?